اود ان اشكر قناة الجزيرة علي الخدمة الاخبارية التي تقدمها لنافقناة الجزيرة رغم الدعاية الاعلامية المحلية السلبية ضدها فهي قناة الاخبار الافضل يكفي انه عندما تحدث اي حادثة او الواحد يكون عايز يعرف اي خبر عن مصر تلاقيه علي طول علي الجزيرة اما اللي يغيظ ويفرس الواحد ان عمري ماجبت قناة النيل للاخبار المعفنة دي ولقيت عليها حاجة عدلة ففي عز اي خبر يهم مصر تلاقي عليها اي اتنين بيتكلموا عن حالة الاوضاع الداخلية في جزر القمراو اخبار الموز في البرازيل او عن بسلامتة السيد المسؤل اللي بيفتتح محطة صرف صحي في قرية ابو طشط اما عن الجزيرة مباشر فهي بالفعل رائعة وخلت الواحد يحس انه مكانش عايش في البلد فهي بتنقل لنا اخبار المؤتمرات المظاهرات والاحتجاجات بجد رائعة اما عن اسلوبها المعتمد علي الاثارة والفرقعة فدي بدائيات والف باء الاعلام ومن هنا فانا باعلن تأيدي لحسين عبدالغني مدير مكتبها المعتقل حديثا في القاهرة وبقوله نحن نشكرك علي ما تقدمه لنا وننتظر خروجك لتستكمل عملك ونحن معك
Subscribe to:
Post Comments (Atom)
3 comments:
أتفق معك في تقديري لحرفية الجزيرة
إنما موقف الجزيرة من حبس عبد الغني كان في منتهى الغباءو عليه علامة استفهام كبيرة...فبرغم إنهم نشروا خبر اعتقاله من مساء الأربعاء تقريبا، ما استنكروش القبض عليه في شريط أخبارهم إلا ظهر الخميس - أعترف إن التوقيتات مش دقيقة تماما إنما هم فعلا استنوا كتير جدا قبل ما يعلنوا استنكارهم
انت فعلا عندك حق انا معرفش هما استنوا لتاني يوم ليه يمك كانوا معتقدين ان الموضوع هياخد خمس دقايق ويخلص او يمكن ليهم اسباب تانية الصراحة مش عارف
بس ده برضة ميقللش منها ومن كفاءة القناة الشديدة
صباح الخير
أنا هاني برسوم من مصر
سمعت بالجزيرة هذا الصباح بتاريخ
24-3-2007
انه يوجد علاج لمرض الاوتيزم و ابنتي تحمل هذا المرض برجاء و للاهمية اعطائنا كيفية الاتصال بذوي الشأن
شاكرين
Post a Comment