مش عارف اخلي العنوان ايه ... فقلت خليه من غير عنوان احسن

من زمان وانا بحب القراءة , ومتابع دائم للصحف والكتب وخلافة , وكتير وانا قاعد اقرا مقال اقول المقال ده حلو ده وحش ده زفت وهكذا , وكتير اتمنيت ان الواحد يكون صحفي او بالادق كاتب مشهور او حتي غير مشهور ولكن كاتب والسلام المهم اكتب اللي انا عايزه واعلق علي الاحداث من وجهة نظري وافضفض واقول اللي جوايا , وكانت الرغبة دي بتزداد كل لما اقرأ مقال كويس او رأي جرئ
لكن المهم بعد ما عرفت التدوين واصبح لي مدونتي الخاصة اجدني امر بفترات طويلة لا اكتب شئ او بالادق معنديش نفس اكتب اكتب ايه ولمين ولو حتي لنفسي اكتب ليه؟
ده انا حتي مش عارف انا باكتب دلوقتي الكلام ده ليه؟
انا ممكن اكتب عن الرياضة عن السياسة عن الدين عن الحب عن الجنس وهي اغلب المواضيع اللي بكتب فيها لكن برضه اكتب ليه؟
وكل يوم هاقعد اكتب, ده الحمد لله ان انا ماطلعتش كاتب كبير مطلوب مني مقال كل يوم دي كانت تبقي حاجة تخنق , ما هو يا اما هكتب مرة واكسل عشرة وساعتها هاترفد يا اما اللي هاقوله هاعيده و اللي اعيده ازيده كل يوم زي كل كتابنا لغاية ما تبقي حاجة تقرف
صحيح الكتابة طلعت حاجة تخنق , لكن رغم كده هافضل برضه اكتب مش عارف ليه لكن برضه هاكتب , هو صحيح حاليا مفيش حاجة في دماغي لكن بيتردد علي زهني بقوة كلمات اغنية رصيف نمرة خمسة للمتألق عمرو دياب اللي بتقول
رصيف نمرة خمسة
والشارع زحام
وساكت كلامنا ما لاقي كلام
تسالي يا خال تدخن يا عم
تتوه المعاني في لساني لجام

انظر حولك
د. خالد عزب