في اغنية الفنان احمد مكي في فيلمه الاخير دبور تناقضات كتير
الاغنيه في مجملها جميله وخفيفة
ولكن من اجمل الكوبليهات اللي شدتني جملة
بتاكل توست ماركه اغلي من دستة فطير
جملة فعلا بتبين تناقضات كتيره في المجتمع , من الثراء الفاحش لواحد بياكل توست تمنه اغلي من دستة فطير عائله بحالها بتشقي علشان تلاقيه
طبعا الرمز هو المقصود
في دوله اصبحت تنقسم الي طبقة اثرياء واخري عبيد او فقراء لو حبينا نخفف وقع الكلمة
وده بيفكرني بموقف حصل لي من حوالي شهرين لما كنت في المركز الثقافي البريطاني لما كان عمل مؤتمر او ندوة عن فرص للدراسه في انجلترا وهناك قابلت واحدة دمها زي العسل لما اتكلمنا عن ظروف البلد وان الواحد عايز يهج قالتلي ان المجتمع اصبح ينقسم الي
حمير وحرامية
فأما تكون حرامي علشان تاكل توست ماركه
او تفضل حمار وتجري ورا دستة الفطير
فيا تري انت بقي بتاكل توست ماركه اغلي من دستة فطير؟
بتقسط كل حاجة ولا كاشك وفير؟
عندك عربية كارو ولا عربية بشوفير؟
انظر حولك
د. خالد عزب
صباح الخير يا دكتور
ReplyDeleteسؤالك غريب
يعنى عاوز اللى يعلق عندك يقول أيه ؟
أيوه أنا حرامى
أو
أيوه أنا حمار
؟؟؟!!!
كتير ما يجانبك الصواب يا دكتور خالد
هههه
ReplyDeleteانا مش باكل من اساسه
وبمشي كتير
دا حتي المشي رياضه
ياعزيز المشكله الاكبر
ان الحراميه ركبت علي الحمير
أنا بقى من الحمير عشان ما معاييش حتى ثمن فطيره واحد مش دستة فطير .. وكمان البلد مش نصين البلد نص واحد نص بياكل كل حاجه وواخد كل حاجه والنصف الاخر ميتين بس بيتحركوا وخلاص زى الروبوتات .. زى حمير العنب .. تحياتى
ReplyDeleteأنا بقى من الحمير عشان ما معاييش حتى ثمن فطيره واحد مش دستة فطير .. وكمان البلد مش نصين البلد نص واحد نص بياكل كل حاجه وواخد كل حاجه والنصف الاخر ميتين بس بيتحركوا وخلاص زى الروبوتات .. زى حمير العنب .. تحياتى
ReplyDeleteسلام الله عليكم ورحمته وبركاته
ReplyDeleteللاسف الشديد في ناس الان لا تجد الماء النظيف لتشربة او حتي ثمن قوت يومها
كنت كتبت مرة بوست بعنوان التكافل الاجتماعي في الاسلام كان يتكلم عن كيفية مساندة طبقات المجتمع بعضهم لبعض
نسأل الله ان ييسر الخير للمسلمين
وجزاكم الله كل خير
اولا يا يا دكتور انا مختش حاجة من حد عشان يتقال عليا بلطش
ReplyDeleteثانيا
التوست ده ليه معايا حكاية ظريفة قوى
كنت معزوم فى فرح فى قاعة فى القاهرة وكنت لسه صغير فى الإعدادى كده
والمهم اتقدم قدامى عيش توست وحاجات تانية المهم هو كان منهم
انا بقى مسكت الشوكة والسكينة ودوست فى العيش التوست وانا اقول الناس بتضحك على ايه
وانا اعيط
هههههههههههههههههههه
وأعيط
تحياتى
مش عارفه يا ابنى فيه ايه
ReplyDeleteما انا باكل توست وايه دسته فطير دى والنبى بلاش ننقيم الناس على اساس اكلها فيه ناس فقيره اوى بس بتاكل حاجات كويسه
وبعدين انت من انهى نوع انا عن نفسى بنت مصريه بحب بلدى واهلها بكل تخلفهم وشطحاتهم انا ولا ده ولا ده
This comment has been removed by the author.
ReplyDeleteايه يا دكتور ؟
ReplyDeleteحضرتك فاكر انك بتكب روشته
ودا نلاقيه عند انهو صيدلاني بقي؟
اذا اكلت توست ...ف ..طير
الي أي مصير
من الأثنين يعجبك!!
عمرو
ReplyDeleteاحترم رأيك
ولك مطلق الحرية فيما تراه
ahmed 3alam وحاجات تانيه كتير
ReplyDeleteانا برضه معاك المشي رياضة للحمير بس
fashkol
ReplyDeleteاشكرك علي صراحتك
الفاتح الجعفري
ReplyDeleteاشكرك علي تعليقك الرقيق
appy
ReplyDeleteشكلك كده بتغمسي التوست بالفطير
رئيس التحرير
ReplyDeleteلأ انا باكل فطير زي عامة الناس
فطير محشي توست علي فكره
ههههههههههه
ReplyDeleteسؤال غريب بصراحة
انا لا باكل توست ولا فطير
انا باكل بسكويت
بس عندك حق بالنسبة للهوة الموجودة فى المجتمع .. بس المشكلة مش فى كده
تباين طبقات المجتمع موجود فى كل مكان
المشكلة انك تعيش فى مستوى اعلى من مستواك
بمعنى انك تاكل توست وانت مش لاقى تمن الفطير
دمت فى حفظ الله اخى الفاضل
سعدت بزيارتك الكريمة
ايه يا دكتور مرضتش على تعليقى ليه وقع من القفة
ReplyDeleteالمهم يا باشا والله انت اللى قولت المقولة انا الى قلتها مش فارقة بس بجد
انا كتبتها فى2005
كان ليا مدونة قديمة وكنت عاملها فيها ولا عمرى سمعتها من حد ولا اى حاجة ولا شوفت مدونتك دى قبل كده
وعلى العموم لو عامل عليها حقوق اشيلها من بروفايلى والله
تسلم يا حبى
د إبراهيم
هههههههههههههه
ReplyDeleteوالله معاك حق في ناس كدة
بس أنا الحمد لله مش باكل توست أصلا
أتمنى أشوف تعليقك عندي
موضوع حلو
ReplyDeleteوفعلا كلنا كدة
بس مش لدرجة حمير يعنى
ومش كل الاغنياء حرامية
بس الحقيقى فعلا هو عدم التوازن بين طبقات المجتمع وعدم وجود عدالة اجتماعية
فالاغنياء يزدادوا غنى والفقراء يزدادوا فقرا
كان الله فى عون ام الدنيا مصر
شكرا على مرورك عندنا
واتمنى التواصل
dr. ibrahim
ReplyDeleteلأ طبعا ردي عليك موقعش من قعر القفة ولا حاجة لأن اصلا مفيش قفة
وكمان اللي بيشيل قفة مخرومة بتخر او مش عارف ايه كده عليه
بس انا رحت رديت عليك في عقر مدونتك (حاجة زي في الكنيست ذاته كده)
عموما ياسيدي حصل خير بالنسبة للمقوله
مش هتفرك كتير وانا لا عامل حقوق نشل ولا غيره حقوق نشل ازاي وانا ناشلها اصلا من المتنبي
ما علينا
سعيد بتعارفنا والي الملتقي
انظر حولك
د. خالد عزب
حاجات جوايا
ReplyDeleteبنوته
نيرة ومنة الله
ارائكم اسعدتني
ونورتم المدونة بزيارتكم
انظر حولك
د. خالد عزب
ههههههههههههه
ReplyDeleteالبوست دمه خفيف جدا ولكنه هادف
تحياتى
كل سنه وانت طيب يا دكترا انت غايب فين من زمان.. تحياتى
ReplyDeleteآه اسمك مكتوب يا دكترا بس مكتوب العنجليزى .,. وبعدين انا مش حابيع انا حاستنى اما الصك يبقى بـ 2000 جنيه وابيعه ولا حتى 5000 هو انا حيبقى حيلتى غيره .. كل سنه وانت طيب يا دكترا
ReplyDeleteفشكول
ReplyDeleteلأ ناصح
تعجبني
السلام عليكم
ReplyDeleteازيك يادكترة وكل سنة وانت طيب
ومرسي على زيارتك الجميلة
طيب هو مافيش توست بلدي
بدل التوست الماركة وبدل الفطير بتاع الغلابا ده
يارب قويني على الفول
تحياتي
جهاد مشالي
السلام عليكم يا دكتور..
ReplyDeleteيعني يا تكون حرامي يا تكون حمار..
يمكن عندنا الطبقه الوسطى هي الأغلبيه
نبقى نص حمار ونص حرامي...
خليط عجيب..
........
دمت بخير...
..............
وعيد سعيد
احييك دكتورنا الفاضل على هذا الراى ولكن احب اضيف ان المجتمع اصبح جزءحرامى او اخد حقه من الدنيا بدراعه والجزء التانى رفض يكون حرامى ولسه مستنى حقه فى الاخره ومش مهم ناكل توست فى دار الفناء ولكن الاهم اكلها فى دار الخلود مش مهم تركب عربيه احدث موديل ولما تموت وتتسئل من اين لك هذا ما تعرفش ترد الفرق ان فى ناس استعجلت على حقها وناس صبرت لحد ما يجى حقها لحد عندها اسفه على الاطاله وبجد لذيذ الموضوع وتقبل مرورى
ReplyDeleteفعلا اغنيه لذيذه جدا وبوست جميل جدا
ReplyDeleteبس افتكر ان الكلام المذكور يخص طبقيتين من المجتمع في اقصى طرفي السلم
يعني الطبقه الفاحشة الثراء والطبقه التي تعيش تحت عتبة الفقر
وده بيلغي وجود طبقه بتمثل النسبه الاكبر في المجتمعات العربيه وهي الطبقه المتوسطه