ظهرت بالأمس نتيجة تكليف الاطباء دفعة ديسمبر 2007 واللي هيتكلفوا في اول مارس 2009
وانا طبعا منهم
النتيجة تعتبر كارثية لأغلب الناس اللي اعرفهم
تقريبا انا واصحابي غطينا معظم انحاء الجمهورية
انا جالي تكليفي في شرم الشيخ
الحمد لله احسن من ناس تانية كتير علي الاقل انا كنت كاتبها الرغبة الرابعة
وبغض النظر عن اني اشتغلت هناك قبل كده
راجع موضوع يوميات طبيب شاب في شرم الشيخ من هنا
انا مش زعلان بس كمان مش فرحان قوي بشرم الشيخ
صحيح انا اشتغلت هناك وعندي خبره بيها وخلال السنة اللي فاتت (سنة الامتياز) فكرت كذا مرة بل كمان سعيت اني ارجع اشتغل هناك تاني , لكن دلوقتي الوضع اختلف
اولا انا من ساعة ما خلصت امتحانات في نوفمبر 2007 وانا بره البيت
اشتغلت شهرين في الغردقة وشهرين في شرم الشيخ
وبعدين قضيت ستة شهور امتياز في القاهرة
يدوبك ريحت شهر رمضان في البيت (الاسماعيلية) وبعدين بدأت كورس
medical transcription.
في القاهرة تاني لمده اربهة شهور
وبرضه اثناء الكورس قدمت وباستعد وربنا يوفقني وبدعواتكم لأمتحان الملحقيين الدبلوماسيين في وزارة الخارجية
يعني عندي من اول مارس التكليف في شرم الشيخ , والكورس في القاهرة , وامتحان وزارة الخارجية في نص تلاتة
ومكلمني دكتور جاري علشان اشاركه العيادة معاه اشيل نص الاسبوع وهو النص التاني
ده كله غير ان انا زهقت من الغربة والسفر وكنت ناوي اقضي السنة اللي قبل الجيش دي( تكليفي يعني) في مكان قريب من البيت
لكن الحمد لله علي كل شئ
شرم حلوة برضه واحسن من ناس اصحابي كتير
اللي راح بير العبد , ابوذنيمة , الطور , اسوان , رفح , سفاجا , نخل وغيرها كتيييييير
شكلها باظت
انظر حولك
د. خالد عزب
ايوه يا عم الدكتور .. حتبقى من المقيمين فى شرم بلد كبير الكبراء وحتبقى جاره ويمكن يستدعوك مره عشان تعالجه .. بس نصيحه ابقى عالجه بدون ضمير عشان ربنا يخلصنا منه
ReplyDeleteالف مبروك وربنا يوفقك فى امتحان الخارجيه
تحياتى
مش هقور
ReplyDeleteماشية معاك حلاوة شرم مرة واحدة
ربنا يوفقك
fashkool
ReplyDeleteانا هعمل اللي انت بتقول عليه
بس هبلغ عنك ان انت العقل المدبر والممول كمان
مشمشاية
ايه , تحبي تيجي معايا
شكلها باظط
انظر حولك
د. خالد عزب
لي بالك يا دكترة!! انت فاكر نفسك حتشتغل في مستشفى مصر الدولي؟؟ ده تكليف!! يعني وحدة صحية في وسط الرملة و سماهة أي كلام و جهاز ضغط بايظ:) Have a nice time:)
ReplyDeleteأولا ربنا يوفقك في أختبار وزارة الخارجيه
ReplyDeleteوبعدين الغربه دي متعة الحياه علشان تعرف حلاوة بلدنا لازم تلفها ويبقالك ذكريات هنا وهناك وشرم مش غربه اوي دي كلها 3 ساعت من اسماعيليه
يعني انت في مصر برضو مطلعتش بره
وأهي فتره بسيطه وكلها أيام ونقولك حتوحشنا يا دفعه ههههه
طيب احمد ربنا انك احسن من غيرك
ReplyDeleteوجاى الصيف بلبط الصبح واشتغل بالليل
اوعدنا يارب
والحمد لله انى مش دكتوره
هههههههههههههههه
بسم الله الرحمن الرحيم
ReplyDeleteDaktara
السلام عليكم ورحمه الله وبركاته
*ربنا يوفقك في امتحان الخارجيه ويبعد عنك الداخليه
*شرم لذيذه ولذيذه أويييي
*بخصوص موضوع الصوره لو تأملتها راح تعرف العلاقه،دا انت ابو الصور
*وعلي فكره مش انت بس الي مش فاهم كمان انا مش فاهم ممكن تفهمني ...شكلها باظت
دمت عزيزي ...دكتور من حق سنتي بتوجعني!
والله العظيم صعبت عليا
ReplyDeleteبس الحال من بعضه يعنى
أخوك صيدلى
ولما ربنا يكرمنى بإفراج مبكر بعد خمس أضعاف المدة وأتخرج (قول يا رب)
ممكن على تقديرى الرهيب وترتيبى الغير عادى أتكلف على حدود ليبيا
بصفتك راجل لفيت مصر كلها
هيه حدود ليبيا أحسن ولا حلايب ؟؟؟
انا بقه بقالي سنتين في اسوان
ReplyDeleteاقوللك اه في فلوس private و 500% بس الذل وبهدلة الدكتور بتاع الريف والدرجه الماليه اللي من المستحيلات اللي انت تنقلها وترجع بلدك
اشطة........ربنا معاك يا دكتور
ReplyDelete.
ReplyDeleteالف مبرووك يا دكتور
وشرم الشيخ تزعل حد ؟
وهتبقى زى ما قال عمنا فشكول مجاور الاكابر ومن جاور السعيد يسعد
.
يا جماعة اشكركم كلكم
ReplyDeleteلكن انا زي ما قلت قبل كده وصرحت في جميع وسائل الاعلام
انا مش زعلان وفي نفس الوقت مش فرحان قوي بشرم الشيخ
خاصة ان انا مجربها قبل كده
هي بلد حلوة لو هتقضي اسبوع ولا اتنين اجازة
اما انها تكون مكان شغل فدمها تقيل
وبعدين ربنا يستر واروح مكان كويس هناك
لأن هناك فعلا ياما تكون في مكان كويس وتتظبط
ياما هتكون بعته في قلب الصحراء
ربنا يستر
شكلها باظط
انظر حولك
د. خالد عزب
ola
ReplyDeleteربنا يطمنك
ahmed-k
ReplyDeleteشكرا علي ذوقك
علي فكره شرم الشيخ 6 ساعات من الاسماعيلية مش 3
عاشقة الرومانسية
ReplyDeleteايه ؟
تحبي تيجي تبلبطي معايا
رئيس التحرير
ReplyDeleteاشكرك علي امنيتك
ياسيدي تنور وتشرف في شرم الشيخ
ياسر عبد الفتاح
ReplyDeleteطيب ما تسيبك من ليبيا وحلايب
وتروح رفح فعلا احسن
Anonymous
ReplyDeleteهي دي بقي المشكلة الحقيقية
انجي وصفاء
ReplyDeleteالدعوة مفتوحة لكم تنوروني في شرم الشيخ
ولا اقولكن
ماتروحوا انتن تشتغلوا مكاني
This comment has been removed by a blog administrator.
ReplyDeleteThis comment has been removed by a blog administrator.
ReplyDeleteربنا يوفقك طبعا يارب
ReplyDeleteانت بقى تخصصك ايه بالظبط
ياريت يادكتور تزور مدونتي عشان عايزه منك شويه استفسارات بجد
انا ببقى في الاجازه مش لاقيه حاجه اعملها وببقى عايزه اخد كورسات بس ببقى مش عارفه اخد ايه؟
ياريت تفيدني انا في سنه خامسه وفي الاجازه اخر السنه ان شاء الله مفروض اخد ايه عشان اقدر استفيد من الاجازه لان بصراحه الاجازات اللي فاتت انا ماعملتش بيها اي حاجه كنت بسافر السعوديه واقضي الاجازه هناك
ياريت تقدر تفيدني وترد عندي في المدونه بتاعتي لو سمحت عشان مايتوهشي الرد
jn
ReplyDeleteاهلا وسهلا يا دكتره ربنا يوفقك شرم الشيخ م ش وحشه
ReplyDeleteانا كدتور امتايز وعايز اشتغل في شرن لو في شغل ابعتلي علي الايميل dramrsamir1@yahoo.com