Monday, September 04, 2006

اااااه ياني ..... ربنا يعديها علي خير

الاخوة والاخوات
عمتم صباحا او مساءا كل حسب مزاجه
يؤسفني من موقعي هذا (امام شاشة الكمبيوتر طبعا) ان اعلن لكم
اني سأغيب عنكم اضطراريا ولذلك بسبب الامتحانات
امتحانات بكالوريوس سنة خامسة طب , رغم والله من وانا في سنة اولي وورقة الامتحان بيجي مكتوب عليها امتحان البكالوريوس المرحلة الاولي ثم الثانية وادينا دلوقتي في الثالثة
يالله علي العموم الامتحانات هتقعد شهر وهنخلص يوم 5 اكتوبر سنة خامسة وناخد يوم 6 اكتوبر اجازة اللي هو اجازة اصلا ونبدأ سنة سادسة يوم 7 اكتوبر
الامتحانات هتكون اسبوعيين عملي واسبوعين نظري في مواد
الرمد , الانف والاذن والحنجرة, الحميات , الجلدية , طب وجراحة العظام , والنفسية والعصبية
ارجوا منكم الدعاء بالتوفيق والقاكم بخير ان شاء الله وكل سنة وانتم طيبين بشهر رمضان مقدما اللي هيبدأ في نص امتحانتا
ملحوظة اخيرة : - ارجوا ان تكون الدعوات مكتوبة حتي نستطيع ردها لكم في الامتحانات قصدي في المناسبات, ولكم الاجر والثواب عند الله
والسلام عليكم ورحمة الله وبركاته
تحديث
الحمد لله الامتحانات انتهت علي خير , بعضها كان كويس والبعض الاخر يتاروح مابين نص نص او وحشوشكرا لكل من دعمني او كتبلي كلمة حلوة في التعليقات ونردهالكم في الافراح ان شاء الله

14 comments:

حائر في دنيا الله said...

اللهم وفق الدكاترة كلهم في الامتحانات وابعد عنهم الامراض المستعصية في العملي ويسر لهم الكتابة في النظري
آمين

Ahmed Shokeir said...

بالتوفيق يادكترة وربنا معاك إنشاءالله

mass said...

تمنايتي بالتوفيق ... انتم عشيتكم صعبة وقت الامتحانات بجـد يا بتوع الدكترة

yasser said...

الله يسهلك يا دكتور
تنجح
وتتخرج
وتخلص الامتياز
وتفتح عيادة
وتمص دم الغلابة
اللهم اما امين

Jannah said...

ايه يا ياسر ده حد يقول كده؟

دكترة ربنا معاك , معلش سنة خامسة جامده بس الحمد لله اديكو قربتوا تخلصوها

صاحبتى بدأت تاخد مهدئات فى سنة خامسة, ربنا يستر عليك و تنجح و تتخرج وتساعد كل الغلابة العيانبن ان شا الله

أُكتب بالرصاص said...

يا عم هو الامتحان طول كده ليه
هو امتحان جملي ؟؟

إلى الدكترة الساكن بدير النحاس

ارجع للتدوين

وسيبك من الامتحانات

Dr. Zeus said...

أمييين يا رب

sabrina said...

ربنا معك

أشرف حمدي said...

بلوج جميل يا دكترة
وربنا معاك في الامتحانات . فكرتني بالماضي أيام المذاكرة وشد الشعر وفناجين القهوة والمذاكرة قبل الامتحان بساعات . انا زمل برضه بس أسنان :)
ياريت تشرفني في البلوج بتاعي
وأشوفك علي خير
http://caricatooz.blogspot.com/

Sampateek said...

افتكر انت دلوقتي بقيت في سنة سادسة و حتاخد الابتدائية ان شاء الله و ترفع راسنا كلنا
بما انك في نهائي طب بقي
الائيش معاك بورشامة للصداع؟
يلا خلص بسرعة علشان اعيى بنفس و اخد راحتي

daktara said...

الف شكر ليكم كلكم يا جماعة وربنا يقدرنا علي رد جمايلكم

daktara said...

اه يا كلبوزه قربت اخد الابتدائية تصوري هاهاها
ويا ستي الف سلامه عليكي وان شاء الله لا تحتاجي بورشامة ولا حتي لبوسة

sara said...

طيب

أُكتب بالرصاص said...

يا سيدي ربنا يوفقك
وتخلص امتحاناتك
واشوفك باشمهندس قد الدنيا

المهم ، احكي لنا عملت ايه في الامتحانات ؟