Monday, October 30, 2006

تعادل الاهلي والصفاقسي في نهائي دوري ابطال افريقيا

اليوم تعادل الاهلي مع الصفاقسي واحد واحد وهو التعادل الذي اضعف من فرص النادي الاهلي بشكل كبير جدا في الاحتفاظ بالبطولة, طبعا التعادل ده احزن ملايين المصريين لكن انا عن نفسي مش زعلان صحيح انا كنت افضل فوز النادي الاهلي لكني لا اهتم بخسارته او لنقل شمتان فيه طب ليه؟؟
من حوالي اربع سنين الاسماعيلي كان بيلعب نهائي نفس البطولة امام انيمبا النيجري وبمقارنة بسيطة لما تم مع الناديين المصريين نجد ان
اولا :- الاسماعيلي سافر نيجيريا بطائرة حربية واللعيبه نامت علي الحديد بعد ما استجدي الفريق طيارة خاصة وعلي حسابة وكان ناقص يبوس ايد المسؤليين ولكن لا حياء لمن تنادي بينما الاهلي سافر علي طيارة خاصة وفي قبل النهائي كمان مش النهائي
ثانيا :- الاسماعيلي كان ليه مبارة مع الزمالك تاني اكبر الاندية المصرية قبل المبارة باسبوع واستجدي اتحاد الكرة التأجيل ولكن ثانية لا حياء لمن تنادي ليلعب المبارة في ظل ضغط وتشتيت للاعبين بينما قام الاتحاد بتأجيل مبارة للاهلي مع اسمنت السويس وهو الفريق اللي ممكن فريق كفر البطيخ يكسبه بسهولة
ثالثا :- في مبارة الذهاب الكل يفتكر مشكلة حسني عبد ربه واحمد فتحي لما منتخب الشباب خدهم وملعبوش مبارة الذهاب ليخسر الاسماعيلي وتضيع البطولة بينما للاهلي طظ في المنتخب وابوه كمان
رابعا :- لن اتحدث عن اختطاف الاهلي للاعبي الاسماعيلي حتي اصبح نصف فريق الاهلي يحمل لقب لاعب الاسماعيلي سابقا مثل بركات اسلام الشاطر والنحاس ومحمد عبدالله حتي احمد شديد قناوي كان علي مشارف التوقيع للاسماعيلي او فعلا وقع حتي خطفه الاهلي , قلت لن اتحدث وهذا احتراف والاهلي من حقه ياخد اللي عايزه بفلوسه لكن اللي في القلب في القلب
لكل هذه الاسباب واكتر انا مش زعلان لتعادل الاهلي وقرب خسارته للبطوله لكن انا شمتان فعلا فيه

9 comments:

Anonymous said...

يا شباب إرحموا نفسكم. مافيش فرقة بتكسب ولا كمان بتأدى أحسن أداء على طول. بكل المقاييس اللى عمله الأهلى فى السنتين اللى فاتوا إنجاز فريد و صعب يتكرر. المشكله الرئيسيه إننا كجمهور للأهلى إتعودنا على الإنتصارات مع الأداء الراقى طول الوقت. و علشان كده صدمتنا شديده شويه.

بالك إنت و هو لو ربنا كتبلكم تشجعوا فرقه تانيه؟ كنت لما تتغلب من طوب الأرض تقول كمان. لأن علميا الجته بتنحس بعد فتره. و بعد شويه الحاله تزيد عليك فتتمنى إن كل الفرق التانيه ربنا يخسف بيها الأرض قدام أى حد من باب كلنا فى الهم شرق و كل الدنيا على كده و ماحدش واخد منها حاجه غير السيرة الطيبه.

المهم يا إخوة يا أهلاويه إن الأهلى لسه قدامه فرصه. يمكن ضعيفه لكن موجوده. فالأهلى يا شباب مش أضعف من الصفاقصى و جوزيه مش أقل من المحجوبى. و ربنا يوفقهم.

أما لو لا قدر الله ما إتوفقوش فده مش هايغير حاجه فى أى حاجه. هيفضل الأهلى أهلى و جوزيه جوزيه و البطولات جايه ياما بإذن الله زى ما إتعودنا.

و ياما كسبنا بطولات و يا ما لسه هانكسب إن شاء الله و دى مش نهاية الكون و الزمن خير طبيب و النسيان أفضل دواء حتى إسألوا أحمد رمزى!!!

Anonymous said...

دكتور كل سنة وانتا طيب
وشوف لو حال الحزب الوطني يبقى حال الكورة في مصر ينصلح
واللي يجرا على الحزب الوطني يجرا على الاهلي الوطني برضه

daktara said...

والله مش فاهم قصدك ايه يا حائر بس ماشي

كلبوزة لكن سمباتيك said...

انا غير مهتمة بالساحة الكروية

يمكن لانهم خذلونا كتير و احنا صغيرين

الانسان يفقد اهتمامه بالاشتاء التي تجرحه و تحبطه


تحياتي لك

Anonymous said...

كويتى يدرس فى جامعة القاهرة فرقة اولى وموظف بدرجة مرموقة جدا ومجاز دراسيا ... يطلب التعارف مع بنت جامعية جميلة ويفضل ان تشاركنى السكن من اجل الدراسة ومن اجل الزواج ..زواج .. للزواج ... لأنى لااحب الحرام ياحلاة الحلال
للتواصل البريدي
lusts2002@hotmail.com
الدراسة فى مصر غير مجدية وتحتاج لااعادة نظر... للمزيد انظر تلك
http://iloveyou2000.blogspot.com
zawaj2@yahoo.com
http://q8topic.blogspot.com

Anonymous said...

دكترة انت قلبت بلووجك مطلوب عروسة؟:]

مبروك على الاهلى ..طول عمر رجالته رجالة المهام الصعبة اللى بيعملوها فى اخر لحظة

بس كان جوون فى الجون بصراحه:]

daktara said...

الف مبروك للاهلي
بجد فرح مصر كلها

daktara said...

مش عارف انا مين اللي عايز عروسه ده
لأ ده بيطلب الاول واحده تشاركة في السكن
باين عليه بيدرس في هارفارد ولا ماساتشوسيتس

Anonymous said...

إيه رأيك في الظروف وغيرها بعد ما شاء الله ولا قوة إلا بالله ما كسب الأهلي يا أبني أي فرقة تانية غير الأهلي محلية إفهموها بأه......