Wednesday, February 07, 2007

يارب تعدي علي خير


الايام دي حاسس اني مخنوق جدا

يمكن علشان امتحانات الترم الاول علي الابواب

هتكون في اخر فبراير واول مارس

الامتحانات هتكون في مواد الاطفال والباطنة

يمكن سبب ضيقي ان المطلوب كتييييييييييييييييييير قوي

وانا مذاكرتي مش عاجباني نهائي

خاصة ان دي اخر سنه وفاضل شهور بسيطة والواحد يخلص قرف الدراسة الالزامية وان استمرت جميع انواع الدراسة الاخري الي منتهي العمر ان شاء الله من ماجيستير الي دكتوراه الي خلافه

ويمكن سبب قلقي وضيقي ان السنه دي والامتحانات اللي الجايه بالذات هتحدد تقديري في البكالوريوس اللي هيفضل ملازمني مدي العمر

وانا يحذوني الامل اني اجيب جيد جدا او امتياز ان شاء الله

قولوا يارب
update
امتحنت النهارده الاثنين امتحان الباطنه الشفوي
الحمد لله عدي علي خير وتقريبا اخدت درجة كويسه رغم ان الدكاتره ما ادوش اي انطباع خالص
لسه التحريري الاسبوع الجاي
يا مسهل يا رب

16 comments:

فلة said...

قدها وقدود يا دكترة
ربنا يوفقك ويوفق كل اللي بيمتحنو
يارب

sherehan84 said...

ربنا معاك يوفقك

كلام لوجيك said...

ربنا هيكرمك انشاء الله يا دكترة
اعمل اللى عليك وسلمها لله وهتعدى على خير انشاء الله
خالص امنياتنا القلبية بالنجاح والتفوق
والى الامام دائما وابدا فى دراستك وفى كل مجالات الحياة
اسيبك بقى تذاكر
دمت بخير
اسامة سامى

Memo said...

يا رب
شد حيلك كده احنا عايزين تعينات و مرتبات جامده
بس محدش يقولو
سبوه على عماه
تحياتشي

omar مشروع بطل said...

ربنا معاك ومعانا

على فكرة انا اسنان و اخويا معاك فى سنة 6 بشرى .. يعنى احنا زمايلك فى المأساة

حائر في دنيا الله said...

يارب
يارب يارب
يارب
يارب
يارب
يارب
قوم ذاكر انتا وسيبني أكمل
يارب يارب
يارب
والله من كل قلبي بقول يارب تجيب امتياز مع مرتبة الشرف
يارب

khalid jarrar said...

اتمنالك كللللللللل الموفقية و التوفيق، ربنا يرضى عنك و يرضيك، و اشكرك على الزيارة:)

بالمناسبة تعليقا على البوست السابق فانا اشاطرك الراي لكن اذا عرف السبب بطل العجب، انا الجأ للورد فيرفكيشن (الحروف العبيطة بالخط المكلكع كده زي وصفات الاطباء)للتخلص من السبام المنتشر آليا، لا يستطيع الكمبيوتر تجاوز هذا العائق و بالتالي اخلص من مشكلة السبام.
اما عن مراقبة التعليقات فهي ضرورية احيانا في البلوجات التي تثير النقاشات الساخنة بوجود جمهور بعضه القليل يلجأ للسباب المبالغ فيه او نسخ صفحات من كتاب في التعليق حتى يسبب تعطيل التعليقات لرغبته الخبيثة في تدمير المدونة المخالفة فكريا و سياسيا.
اذا كنت من زوار مدونتي تجد البعض من هؤلاء المجانبن يتجولون هناك احيانا.
تعرف كيف تثير السياسة و العراق و الحرب حفيظة بعض المتطرفين الامريكان.
و قد استعملت هذه الاسلوب لفترة ثم اوقفته
اعتذر جدا عن الاطالة و ارجو لك -مرة اخرى- كل التوفيق

خالد جرار

Mohamed A. Ghaffar said...

شد حيلك فى المذاكرة واعمل اللى عليك وسيب القلق والباق على الله

عاشقة الوطن said...

يادكتور ربنا معاك
ولازم تشد حيلك فى المذاكرة عشان تفرحنا كده
ومعلش ماتتخنقش كتير اليومين دول عشان تعرف تركز فى المذاكرة وتخلص على خير ان شاء الله

تحياتى

أروى الطويل said...

ان شاء الله على خير

كلام لوجيك said...

ازيك يا دكترة
عامل ايه
انا رديت على تعليقك عندى بخصوص موضوع لبنان فلسطين اسماعيلية
وحاولت ابعتلك على ايميلك بس للاسف انت مش حاطط الايميل فى البروفايل بتاعك

على العموم خالص تحياتى ليك
وابقى رد على التاج اللى بعتهولك يا نجم

بس طبعا مسموحلك تأجل الرد لغاية بعد الامتحانات
احنا ناس يهمنا مستقبلك وبنخاف عليه

سلام يا غالى

Sampateek said...

اظن النتيجة ظهرت و ان شاء الله ناجح و متفوق
الف حمدا لله على عيد الحب و كل شمس النسيم و انت بالسلامة

حــلم said...

يارب
ان شاء الله ربنا معاك يا دكتور
اعمل اللى عليك
وتاكد ان ربنا هيبقى معاك

حــلم said...
This comment has been removed by the author.
ma7she said...

إمتحانات...سنة ساتة؟؟ ولسة ما اتعودتش
::D:D:D:D
كان عندي شرعي النهاردة..لا أراك الله مكروها..ما استحمتش من اسبوع من كتر ما انا مش لاقي وقت..بس شكلها حجج
:D:D:D

ربنا يكرمك يا رب وعديهالك على خير

إدعيلي انت كمان عشان عندي امتحان مجتمع كمان كام يوم



محشي

ام العيال said...

يارب يارب
يقتحلك الابواب المقفوله
و يبسلطك كل صعب
و تعدي
و نشوفك تكتور قد الدنيا
بتدافع عن المظلومين
و بتبني عمارات تسكن الناس فيها


على فكره مدونتي خلاص مش خنيقه
مافيهاش رفركيش ده
و لا رقابه
و لا اي حاجه

شلام بفه