Friday, April 11, 2008

والله وعملوها الرجالة


ياه بقالي كتير قوي منقطع عن المدونة وعالم التدوين والنت بحاله
والسبب قصدي والسببين لكده مشكلة في الكونكشن بالنت والانشغال بصورة بشعة في مستشفي بولاق الدكرور العام اللي بقضي فترة الامتياز فيها الان
ومع اول رجوع ليا للتدودين احب اكتبلكم عن موضوع عايشينه كلنا وهو موضوع الاضراب واحداث المحلة

فالنهاردة الجمعة بعد ما رجعت من المستشفي الساعة الرابعة عصرا - ملحوظة كنت سهران هناك- لقيت وصلة الدش في الشقة اللي مأجرها انا واصحابي وبدفع نصيبي تقريبا قد مرتبي الشهري بالظبط لقيتها فاصلة , قلبت في التلفزيون خير اللهم اجعله خير لقيت القناة الساسة بس هي اللي شغاله ولقيتها جايبة نشرة الاخبار وخبر زيارة احمد نظيف للمحلة وخطبته للعمال والقررات اللي اتخذها زي
هنجبلكو شقق ونجوزكوا ونظبتكوا ونعالجكوا والكلام اللي ملوش لازمة ومكرر زي ده
لحد الخبر اللي شد انتباهي جدا وهو رفع بدل التغذية الي 18 جنيه
انا اول لما سمعت الرقم برقت وبصيت للتلفزيون بانتباه ايه ده بياخدوا 18 جنيه بدل وجبة او تغذية طب ده كويس قوي ده انا هنا وفي الغربة ولوحدي باصرف حوالي 15 جنيه يوميا علي الاكل في المتوسط للحصول يدوبك علي اكل يعيش الواحد وخلاص فلما هما يأخدوا 18 جنيه ده يبقي حلو قوي
وفي نفس اللحظة كملت الست المذيعة الخبر وهو رفع بدل التغذية من 18 جنيه الي 90 جنيه
فزادت دهشتي ايه ده هياكلوا بتسعين جنيه يوميا وعنيا برقت وزادت دهشتي لمدة اقل من ومضة عين لما كملت الست المذيعة الخبر الي
رفع بدل التغذية الي 90 جنيه شهريا
ساعتها برقت وفركت عنيا وقلت باعلي صوتي
ااااااااااااااااااااااااحه
بدل تغذية 90 جنيه في الشهر ايه هياكلوا رمل وظلط
وتحولت نظرة الدهشة والحسد في لحظة الي ضحكة عالية وقولت بأعلي صوتي
والله وعملوها الرجالة

13 comments:

Abo 7anf said...

السلام عليكم
اولا تسعين جنيه
دا بيعتبروا منحه كبيره ومكفاه محدش يفتح بقوا بعدها لمده شهر
او اتنين
وفيها ايه طول مكل جاجه رخيصه
والطوابير فاضيه
والموصلات كتير
دا عيبنا طماعيين
يلا السلامه عليك
ثانيا هوالامتياز بيعمل دا كلوا طب ربنا يستر
وعلى فكره اولا دى كانت تريقه

appy said...

اولا حمد لله على السلامه

بجد ونورت القاهرة
طيب ايه اروح مستشفى بولاق دى اسئل عليك
يا بنى حد يجى من شرم على بولاق بجد انا بعذرك على اللى حصل لك ومتقبله منك الافلاظ الخارجه ههههههههههه نتيجه الصدمه الحضاريه

ثانيا ايوه طبعا عملوها بس كان صعب التدمير اللى حصل

متغبش تانى على فكرة انا شوفت التعليق اللى انت عملت له دليت عندى لانه بيجلى على الميل هترجع فى كلامك تانى ولا نمشى المشروع هههههههههههههههههههههه

Anonymous said...

الدكتور خالد عزب
تعبتني كتير
أنا دكتور خالد عزب مدير الإعلام في مكتبة الإسكندرية متبعك من زمن وأود التواصل
مع حبي

a.aTeYa said...

هههههههههههههههههه


عذرا لان اول تعليق كان ضحكة بس فعلا مش عارف اقولك ايه .. حقدك على الناس جابهم الارض :D

حقيقى متابع حضرتك من فترة و كنت مستنى اى جديد

تحياتى

david santos said...

Hello, Daktara!
Thanks for your posting and good luck.

daktara said...

د. خالد عزب
بالطبع انا ايضا اعرفك
او بالادق سمعت عنك وعرفت ان مدير الاعلام بمكتبة الاسكندرية ايضا يسمي خالد عزب
تعليقك اسعدني جدا جدا
ويشرفني التواصل معك بكل تأكيد
قولك انك متابعني من زمان اسعدني
ولكن طبعا خوفني , ولكن علي كل حال ارجو انك تجد ما يثير اعجابك
والي لقاء ان شاء الله
د. خالد عزب

مـــــــــــــي said...

الظاهر انى مش لوحدي اللى كنت غايبة!!
ههه

اللى طلعت بيه من الموضوع ده كله انك يا دكتور....... احم احم

































سرك باتع أوي

ههههههههههههه

david santos said...

Hello, Daktara!
Happy day.

david santos said...

Hello, Daktara!
Happy day for you.

ابتسم من فضلك said...

موضوع هايل ربنا يوفقك من حسن لاحسن

ابتسم من فضلك said...

دى اول مرة ازور مدونتك العسلية يا عسليةاسلوبك هاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااايل
وانت بجد...........حط مكانها اى كلمة اعجاب تحبها

bernard n. shull said...

hi mate, this is the canadin pharmacy you asked me about: the link

مصر يا موكوسه .....يا مزارع الكوسه said...

السلام عليكم ورحمة الله وبركاته
حملة كى يكونو حقا احياء
لمساعدة اطفال الشوارع ستبدا هذا الاسبوع
باقى التفاصيل هنا
http://awraqwasrar.blogspot.com/
للاشتراك يرسل الى
quloobrhema@yahoo.com
لنقم بالاتفاق على تحديد مكان وزمان
اللقاء
يسعدنا اشتراك الجميع