Tuesday, August 22, 2006

الحملة القومية لرفع الروح المعنوية

كنت انوي صباح هذا اليوم ان ابدأ حملة قومية لرفع الروح المعنوية والتخلص من حالة اليأس والاحباط في جميع مجالات الحياة السياسية والاقتصادية والاجتماعية والرياضية.... والخ الخ
وهي الحالة التي تنتاب جميع فئات الشعب والمدونون منهم علي وجه الخصوص, ولكن اتت حادثة قطار القليوبية هذا الصباح فقضت علي املي في بدأ هذه الحملة التي لن تجد اي رواج بعد الكارثة التي راح ضحيتها حاجة وخمسين متوفي رسميا, وفعليا اضرب الرقم الحكومي في اتنين علي طول تلاقي ان عدد المتوفيين حوالي مائة وشوية وحوالي ربعمائة وشوية مصابون اما عن سبب الحادث فلن اخوض فيه لان الجميع عارف نفس الكلام المتكرر المحفوظ ولكن النتايج التي خلصت اليها وهي

اولا :- فشل الحملة القومية لرفع الروح المعنوية فشل ذريع بل تم وأد الحملة في مهده
ا

ثانيا :- عدد ضحايا القطار يفوق عدد ضحايا اسرائيل نتيجة قصف المقاومة اللبنانية لها وبالتالي فان دخول مصر الحرب
كان اهون واقل خسارة من مثل هذه الحادثة المتكررة, ملحوظة لا تنسوا عدد ضحايا العبارة الغارقة ايضا

ثالثا : - اما عن سبب الحادثة نفسه فانه في النهاية خطأ بشري كانم يمكن تجنبه فسائق القطار اللي كان سارح ولا نايم اكيد مراته منغصة عليه ليه؟ لأنه مش قادر علي مصاريف البيت وهو حاسس انه شغال زي الثور في الساقية وفي الاخر بيقبض ملاليم وغيره بيقبض ملايين بدون نصف المجهود, ملحوظة تانية المليم لايزال عملة رسمية في المصالح الحكومية

رابعا :- عدم جدوي مثل هذا الكلام او هذه الحملات العبيطة وبقول لكل المتشأمين اللي زيي انتوا بتحسبوا احنا بس اللي كده لأ احنا كتير قوي , وكمان البلد اليومين دول مش عايزه مهندسيين ولا حتي دكاتره البلد عايزه صيع, فصيعوا علي راحتكم والي الامام يا أم الدنيا

1 comment:

Anonymous said...

شوف يا صاح
الأفضل تعمل حملة وتسميها إنقاذ المتشائمين قبل ما يبقوا مشلولين