Wednesday, April 25, 2007

رباعية في يوم المئوية




برشلونة الاسباني يكرم نادي القرن برباعية مع الرأفة في يوم الاحتفال بالمئوية
والله هو احتفال الاهلي في حد زاته شيء كويس وجميل, لكن الاهلي بيحسب نفسه بيلاعب كفر البطيخ ولا برشلونة البلد, المدرب المغرور جوزيه نازل فاتحلي صدره وبيهاجم فطبيعي انه ياخد علي دماغة من احسن نجوم العالم
ياعيني يا اهلي صعبان عليا حسرتك وحسرت جماهير نادي القرن
طب بالذمة مش لو كنتوا جبتوا الاسماعيلي مثلا في الاحتفاليه دي مش كان احسن , كان هيبقي احتمال الفوز كبير والجماهير كانت هتفرح اكتر خاصة في ظل التعصيب الرهيب بين الناديين بس والله لو الاسماعيلي كان عملها فيكوا تاني كنتم هتموتوا بحسرتكم
عموما ده ده حق الناس الغلابة المحبة للاهلي زي حسام وابراهيم حسن وطاهر ابوزيد وغيرهم , اللي الشوية المسيطرة علي الادارة رمينهم من قعر القفة
ابقوا العبوا علي قدكم واعرفوا ان انتم شوية عمي وسط حبة مكسحين ولما بتقابلوا فريق محترم او ناس بتعرف تلعب كوره بتبقي دي النتيجة
الماتش بيفكرني بمبارة الاسماعيلي لما لزق الاهلي تلاتة في قلب القاهرة , عقبال الزمالك يوم الخميس عشان يبقي سقوط القطبين في اسبوع واحد
عموما هارد لك وعقبال المئوية الجديدة حتي يكون الاهلي اخد قرن تاني علشان يبقي بجد نادي القرنين

ربنا عالمفترى فى كل مكان

خصوصا اللى يعمل اسد على الفيران

و يلاقى نفسه مره واحده وسط الجدعان

ياخد العلقة المتينة و يعرف انه كتيان

و يرجع مطاطى و مكسوف و حزنان

باعلامه يدخل كل ده فى النسيان

و اهو عامل زى الساقط لما يعيد الامتحان

بس بالساقط بيفضل فى نظر الناس ساقط خيبان

11 comments:

daktara said...

كنا في الماضي البعيد نشجع الأهلي في هذه الظروف لانه يمثل مصرنا الحبيه لكن من كثرة التحيز للأهلي والمجاملات وخطف اللاعبين من الأنديه بالطرق الشرعية وغير الشرعيه وغير الشرعية أكثر بدأنا نكره الأهلي حتى ولو بيلاعب اسرائيل حرام عليكم ياتحاد الكوره شوفوا وصلتونا الي فين أن مصري لا يشجع مصري أنتم السبب حسبوا نفسكم قبل أن تحاسبوا

من تعليق لعضو في موقع اسماعيلي اون لاين

daktara said...

فعلآ .... وأفتكر في بدايه الستينات الإسماعيليه كلها فرحت لفوز الأهلي علي بنفيكا 3ـ2 لأن أيامها كانت اللاعيبه والإداره ناس محترمه ... أما الآن ... فلا وألف لا

واحد تاني رد عليه

daktara said...

بيقولوا جوزيه أول ماشاف برشلونة لابسين أصفر هدد بالانسحاب من المباراة و قدم احتجاج للابورتا و حسن حمدي و قالهم : لأ .. احنا ماتفقناش على كده

عضو بيلسن علي الاسماعيلي

daktara said...

موضة اليومين دول ان كل لاعيب احمر يظهر على الشاشة (وكلهم احمر من بعض ) ليقول ان فضل النادي عليه ولولا الأهلي ما كان نجماً بالرغم من ان ثمانين في المائة من لاعبي الأهلي ينضمون له بعد نجوميتهم وان اسم الأهلي ارتفع دائماً بفضل هؤلاء النجوم ويتنكر دائماً الأهلي للاعبيه بمجرد اهتزاز مستواهم او لأي ظروف يمر بها اللاعب وهناك الكثير من الأمثلة على ذلك بدأً بجمال عبد الحميد ثم طاهر ابوزيد وعلاء ميهوب وبدر رجب وربيع ياسين ويأتي على رأسهم رضا عبدالعال وحسام حسن واخيراً وليس أخراً خالد بيبو

عضو بيتكلم عن سياسة الاهلي بصفة عامه

Mohamed A. Ghaffar said...

أطلع من دول يا زملكاوى

FrEe.PhArAoH said...

انا زملكاوى على فكرة والبيت كله اهلاوى
كبرت لقيت فى انحياز للأهلى مشجعينه كتير اللى مبيفهمش منهم اكتر مجرد حب لفرقه بالوراثه او الفرقة اللى بتغلب وخلاص .. مشكلة الاهلى ان كتير من الاهلاوية بيشوهو صورته

لكن امبارح وضع مختلف مصر هى اللى كانت بتلعب مش الاهلى .. مصر كلها اتهزمت 4/0 .. تقيلة اوى

انا زعلت جدا ع الاهلى اللى المفروض هو قمة الكرة فمصر .. زعلت ع الكرة المصرية نفسها .. يلا مفيش كووورة :(

تحياتى

حائر في دنيا الله said...

يللا كويس ان البرسا مضغطش عليهم اوي اصل مكناش لحقنا ع المستشفيات منهم

:)

الدبور said...

انا قلت بلاش برشلونه في احتفال المئويه كان ممكن يعمل احتفاليه جامده و يلاعب فريق النيل للادويه او البلاستيك او اسكو حتي
ولو حب تكون الاحتفاليه فاجرة كان يلاعب غزل المحله !
اللي مش ليه اهل بيقول اهلي
واخيرا الشعار المعروف القرد القرد

تحياتي يا منحرف

razisoliman said...
This comment has been removed by the author.
حسام مراد said...

ايه يا عم الهجوم ده كله بس
سيبك ايه قصيده المدح الجامده دى اللى فى الاهلى
ههههههههههههه
ربنا على المفترى
تحياتى
حسام مراد
شغال
سلاااااااااااااام
شوف ف شغال
برشلونه طرب كرسى فى الكلوب
سلام يا دكتاره

==================================
معذره انا اللى لغيت الكومنت اللى فااات عشان كنت بعمل مدونه لواحد ونسيت انى جوه

daktara said...

كنت متوقع ان البوست ده يلاقي هجوم عتيف
بس الحمد لله الاحباء اكتر من الاعداء