من حوالي اسبوعين رحت مؤتمر طبي في القاهرة, المؤتمر كان في فندق السلام كونكورد لمدة ثلاثة ايام كنت انا ومجموعة من صحابي وكنا بنبيت في شقة واحد صاحبنا في الهرم او بالادق في شارع جانبي متفرع من الهرم عند مسرح سيد درويش كده, وطبعا كنا بننزل كل يوم نخرج ونتفرج علي البلد, وكعادتنا كل ما ننزل القاهرة مرة سيتي ستارز مرة وسط البلد مرة الكورنيش وهكذا, اما بالنسبة لشارع الهرم كنا بنعدي دايما عليه ونشوف الكباريهات اللي فيه الشيطان يفضل يلعب في دماغنا لكننا عمرنا ما دخلنا, المهم تاني يوم كنا ماشيين في طلعت حرب وكشباب قروي سازج جاي من الاسماعيلية قال بنتفرج علي المحلات ونشوف الزحمة ونشم شوية هوا ملوث كعادتنا لغاية ما سمعنا صوت عالي واغاني قلنا ده يظهر كده في حفلة دي جي لما نشوف بنحسب بقي زي عندنا كده الكلام ده كان جنب مسرح فؤاد المهندس مباشرة دخلنا نبص وعينك ما تشوف الا النور قصدي الا الظلمة ونور احمر خافت وشوية بنات لابسين ستوماك وقصير عمالين يرقصوا ويتمايلوا علي شوية شباب, واحنا علي الباب لقينا بنتين جايين ناحيتنا ولزقوا فينا تعالي خش اتفرج مش هتخسر حاجة سألناهم علي النظام قالولنا علي النظام والاسعار وفهمنا ان كل شئ فوق الهدوم ماشي, كان في بنت جامدة قوي كل ما صحبي يسألها علي حاجة تقرب منه وكأنها هاتبوسه, الواد ركبه سابت , المهم مشينا علي طول واحنا مستغربين قوي ده ايه ده, احة ولا مؤاخذة ده في وسط البلد وعيني عينك كده الخمره والمليطة امال شارع الهرم يبقي ايه بقي؟
المهم قلنا لازم بقي نشوف شارع الهرم
واحنا لسه ماشيين في الشارع اللي فيه شركات الطيران الكتير ده, انا ماعرفش اسمه , والساعة كانت حوالي واحدة بالليل لقينا واحدة فورتيكة نازلة من عربية لابسة ميكرو جيب وبادي مبين اكترمن نص صدرها وراحت داخلة في طرقة كده معفنة, احنا وقفنا وبعدين لقينا شوية اجانب نازلين من عربيات وبيخشوا نفس الطرقة المعفنة انا قلت دول شكلهم مضيفين تبع شركة طيران او سياحة , قام صاحبي قاللي ياللا نشوف قمنا دخلنا الطرقة المعفنة مشينا مسافة قصيرة لقينا حاجة زي مطعم او كافتريا المهم طلع بار دخلنا لقينا ناس يدوك انطباع اولي انهم محترمين قاعدين علي طرابيزات وعلي كل طرابيزة شرموطة ولا مؤاخذة قعدة تفرفش القعدة وكالعادة اتصدمنا بعد ما ملينا عنينا شوية ومشينا علي باب الطرقة لقينا عسكري سلمنا عليه واتمنينا له ولحكومته دوام الصحة والعافية
قلت لصاحبي يظهر القاعهرة كلها بقت كباريهات ولا ايه؟ المهم اتفقنا ان اي مكان قاعد قدامة عسكري اذا ما كنش بنك فهو اكيد بار, ديسكو اي مدعكة والسلام ولازم نخشها, عندك ولسه ممشناش خطويتين وفي نفس الشارع لقينا طرقة معفنه وقدامها عسكري طبعا رشقنا لقينا في بار او متفهمش وريحه الخمر وصوت قلة الادب بيلعلع المهم كنا لسه هندخل وقفنا واحد علي الباب وسألنا رايحين فين قلناله بكل ثقة داخلين قال حاجزين قلنا لأ قال يبقي اسف لازم حجز او كبلز ومنيمم تشارش 60 جنيه والخميس 100 ولو مفيش حريم هو هيورفلنا منقلقش يعني واهو كله بحسابه بس دلوقتي مش هينفع نخش والباند شغال قلناله قشطه شغال , المكان كان اسمه
***** تم حذف الاسم
طبعا بعد ما قلنا *** تم ازالة ما قلناه , ده يظهر البلد كلها مدعره وتحت الشقق السكنية وفي وسط البلد كده عيني عينك, ضحكنا علي سذاجتنا قال احنا بنخش سينما ونتفرج علي المحلات ونمص جيلاتي قال هههه ده احنا غلابة قوي
المهم فضلنا ماشيين نبص علي حاجتين علي الطرقات المعفنة وسط العمارات او علي العساكر اللي قاعدين في حتت معفنة وعلطول نعرف انه قاعد يحرس مدعرة , ولغاية ما وصلنا الهرم كنا عرفنا كذا مكان علشان لما نيجي بعد كده
الهرم
وصلنا الهرم ياسيدي قلنا ناخد الشارع من اوله بقي ما احنا لسه جداد في الكار ده, دخلنا الاول مكان اسمه *** تم ازالة الاسم وهو فعلا ***, استقبلتنا واحدة لابسه قصدي مش لابسه غير الاندر وير, سنتيان احمر مبين صدرها كله وسليب اصفر او برتقالي حاجة زي كده معلش اصل انا مكنتش مهتم باللون قوي وبعدين اتلم حوالينا شوية بنات اعمارهم في العشرينات اجسامهم جامدة بس مش حلوين قوي كل واحدة تشد فينا وتقول تعالوا هنا وتشاور علي ترابيزه المهم سألنا علي الاسعار وعرفنا النظام وفهمنا ان ممكن ايدك تخش تحت الهدوم شويه قلنا كويس في تطور في شارع الهرم وبعدين خلعنا بعد ما فهمناهم ان لينا اصحاب بره هنجبهم ونيجي لو المكان كان عجبنا , وخلعنا وبنفس الاسلوب دخلنا كذا مكان لغاية ما ركنا العربية ونزلنا مشينا علي رجلينا لقينا الناس بيشدونا علشان نخش دي حاجة حلوة قوي قال واحنا كنا بنسيب العيال بتوع المحلات في وسط البلد يشدونا قال مش قلتلكم غلابة, تعالي يابيه تعالي يا باشا شوف المكان لو مش عاجبك امشي عندنا بنات فايف ستارز عندنا قعده حلوه عندنا قعده هتعجبك كل اللي انت عايزه ماشي واهو كله ماشي , دخلنا مكان اسمه **** تقريبا جنب **** بصراحة كان جامد اول لما دخلنا لاقينا حوال 5 بنات حوالينا اللي عماله تحك في دراعي واالي تتلزق فيا وحتة مزه عماله تلعبلي في شفايفي وللاسف انا كان عندي قرحة في شفتي من الداخل وواجعاني جدا حاجة كده اسمها
aphthous ulcer
لكن طبعا مقلتلهاش تبطل رغم ان شفتي كانت واجعاني لكن ابو بلاش كتر منه, وفضلنا واقفين خمس دقايق عرفنا النظام ومشينا علي وعد بالحضور غدا ويا فكيك, في **** بقي اول لما دخلنا الديسكو لقينا واحد خليجي بالجلبية والعجال ماسك واحدة وعمال يرقص معاها وهاري صدرها دعك كده عيني عينك والسيرفيس بتاع الفندق عمال يخدم عليه قلنا ياعيني وكالعادة يا فكيك , الساعة وصلت تلاتة ونص واحنا تعبنا وزهقنا بعد ما شفنا نص كباريهات الشارع وعرفنا القاعهرة الجديدة و**** والمدعرة اللي عيني عينك وخدنا بعضنا ومشينا بعد ما عرفنا احنا لما ننزل القاهرة تاني هنعمل ايه بالظبط بلا سينما بلا محلات , اه نسيت اقولكم, كذا مره واحنا بنلف نشوف واحدة طالعة من كباريه بتظبط هدومها ورايحة تركب عربية اخر موديل مستنيها واحد جواها وواخداها واحد من الكباريه موصلها لباب العربية , حاجة زي دعارة دليفري كده
بعد ما خلصنا ليلتنا قلنا اه منك يا بلد كل ده فيكي وتحت عين الحكومة وبترخيص منها كمان ده احنا نستاهل اللي بيحصل فينا واكتر كمان !!!!! ومن ساعتها عرفت ان القاهرة اسمها اصلا القاعهرة
رحنا نمنا وتاني يوم في المؤتمر كان المحاضر بيتكلم عن مشروع بحث لقياس معدل انتشار الايدز في مصر وقال ان العينة كانت هتبقي حاجة من تلاتة يا اما السجون علشان الشذوذ اللي فيها او من المدمنين او من ال البغايا
Prostitute
وقال انهم بقوا كتير قوي ردينا وقلنا اي نعم قال بس المشكله هيلموهم اذاي فخلوا الدكاترة تنزل بعربياتهم شارع الهرم وقدام الكباريهات يجيبوا البغايا ويدوهم فلوس في مقابل اخذ عينة الدم بدل ما هما بياخذوا فلوس مقابل الجنس , قمت انا وصحابي بصينا لبعض ومتنا علي نفسنا من الضحك وقلنا كويس تعبنا امبارح مكانش علي فشوش اهو تدريب عملي برضه, وسألنا هل ممكن الدكاتره ياخدوا عينة دم وليلة حمراء جملة واحدة والبغايا تعملهم تخفيض؟؟؟
اه ياني منك يا بلد
تنويه
اسف علي استخدام الفاظ نابية
اسف علي الاطالة
تحديث
بناء علي رغبة القراء وبعض الاصدقاء تم حذف اسماء الاماكن وتم تعديل بعض الالفاظ
