Tuesday, November 25, 2008

بتاكل توست ماركه اغلي من دستة فطير

في اغنية الفنان احمد مكي في فيلمه الاخير دبور تناقضات كتير
الاغنيه في مجملها جميله وخفيفة
ولكن من اجمل الكوبليهات اللي شدتني جملة
بتاكل توست ماركه اغلي من دستة فطير
جملة فعلا بتبين تناقضات كتيره في المجتمع , من الثراء الفاحش لواحد بياكل توست تمنه اغلي من دستة فطير عائله بحالها بتشقي علشان تلاقيه
طبعا الرمز هو المقصود
في دوله اصبحت تنقسم الي طبقة اثرياء واخري عبيد او فقراء لو حبينا نخفف وقع الكلمة
وده بيفكرني بموقف حصل لي من حوالي شهرين لما كنت في المركز الثقافي البريطاني لما كان عمل مؤتمر او ندوة عن فرص للدراسه في انجلترا وهناك قابلت واحدة دمها زي العسل لما اتكلمنا عن ظروف البلد وان الواحد عايز يهج قالتلي ان المجتمع اصبح ينقسم الي
حمير وحرامية
فأما تكون حرامي علشان تاكل توست ماركه
او تفضل حمار وتجري ورا دستة الفطير
فيا تري انت بقي بتاكل توست ماركه اغلي من دستة فطير؟
بتقسط كل حاجة ولا كاشك وفير؟
عندك عربية كارو ولا عربية بشوفير؟

انظر حولك
د. خالد عزب

30 comments:

عمرو said...

صباح الخير يا دكتور
سؤالك غريب
يعنى عاوز اللى يعلق عندك يقول أيه ؟
أيوه أنا حرامى
أو
أيوه أنا حمار
؟؟؟!!!
كتير ما يجانبك الصواب يا دكتور خالد

¶¶ღِِAhMeD 3LaMღ¶¶ said...

هههه
انا مش باكل من اساسه
وبمشي كتير
دا حتي المشي رياضه

ياعزيز المشكله الاكبر
ان الحراميه ركبت علي الحمير

fashkool said...

أنا بقى من الحمير عشان ما معاييش حتى ثمن فطيره واحد مش دستة فطير .. وكمان البلد مش نصين البلد نص واحد نص بياكل كل حاجه وواخد كل حاجه والنصف الاخر ميتين بس بيتحركوا وخلاص زى الروبوتات .. زى حمير العنب .. تحياتى

fashkool said...

أنا بقى من الحمير عشان ما معاييش حتى ثمن فطيره واحد مش دستة فطير .. وكمان البلد مش نصين البلد نص واحد نص بياكل كل حاجه وواخد كل حاجه والنصف الاخر ميتين بس بيتحركوا وخلاص زى الروبوتات .. زى حمير العنب .. تحياتى

الفاتح الجعفري said...

سلام الله عليكم ورحمته وبركاته
للاسف الشديد في ناس الان لا تجد الماء النظيف لتشربة او حتي ثمن قوت يومها
كنت كتبت مرة بوست بعنوان التكافل الاجتماعي في الاسلام كان يتكلم عن كيفية مساندة طبقات المجتمع بعضهم لبعض
نسأل الله ان ييسر الخير للمسلمين
وجزاكم الله كل خير

Dr Ibrahim samaha said...

اولا يا يا دكتور انا مختش حاجة من حد عشان يتقال عليا بلطش

ثانيا

التوست ده ليه معايا حكاية ظريفة قوى

كنت معزوم فى فرح فى قاعة فى القاهرة وكنت لسه صغير فى الإعدادى كده
والمهم اتقدم قدامى عيش توست وحاجات تانية المهم هو كان منهم

انا بقى مسكت الشوكة والسكينة ودوست فى العيش التوست وانا اقول الناس بتضحك على ايه

وانا اعيط
هههههههههههههههههههه

وأعيط

تحياتى

~*§¦§ Appy §¦§*~ said...

مش عارفه يا ابنى فيه ايه
ما انا باكل توست وايه دسته فطير دى والنبى بلاش ننقيم الناس على اساس اكلها فيه ناس فقيره اوى بس بتاكل حاجات كويسه
وبعدين انت من انهى نوع انا عن نفسى بنت مصريه بحب بلدى واهلها بكل تخلفهم وشطحاتهم انا ولا ده ولا ده

رئيس التحرير said...
This comment has been removed by the author.
رئيس التحرير said...

ايه يا دكتور ؟
حضرتك فاكر انك بتكب روشته
ودا نلاقيه عند انهو صيدلاني بقي؟
اذا اكلت توست ...ف ..طير
الي أي مصير
من الأثنين يعجبك!!

daktara said...

عمرو
احترم رأيك
ولك مطلق الحرية فيما تراه

daktara said...

ahmed 3alam وحاجات تانيه كتير

انا برضه معاك المشي رياضة للحمير بس

daktara said...

fashkol

اشكرك علي صراحتك

daktara said...

الفاتح الجعفري
اشكرك علي تعليقك الرقيق

daktara said...

appy
شكلك كده بتغمسي التوست بالفطير

daktara said...

رئيس التحرير
لأ انا باكل فطير زي عامة الناس
فطير محشي توست علي فكره

حاجات جوايا said...

ههههههههههه
سؤال غريب بصراحة
انا لا باكل توست ولا فطير
انا باكل بسكويت

بس عندك حق بالنسبة للهوة الموجودة فى المجتمع .. بس المشكلة مش فى كده
تباين طبقات المجتمع موجود فى كل مكان
المشكلة انك تعيش فى مستوى اعلى من مستواك

بمعنى انك تاكل توست وانت مش لاقى تمن الفطير

دمت فى حفظ الله اخى الفاضل
سعدت بزيارتك الكريمة

Dr Ibrahim samaha said...

ايه يا دكتور مرضتش على تعليقى ليه وقع من القفة

المهم يا باشا والله انت اللى قولت المقولة انا الى قلتها مش فارقة بس بجد

انا كتبتها فى2005

كان ليا مدونة قديمة وكنت عاملها فيها ولا عمرى سمعتها من حد ولا اى حاجة ولا شوفت مدونتك دى قبل كده

وعلى العموم لو عامل عليها حقوق اشيلها من بروفايلى والله

تسلم يا حبى

د إبراهيم

بنوتة said...

هههههههههههههه
والله معاك حق في ناس كدة
بس أنا الحمد لله مش باكل توست أصلا
أتمنى أشوف تعليقك عندي

نيرة و منةالله said...

موضوع حلو
وفعلا كلنا كدة
بس مش لدرجة حمير يعنى
ومش كل الاغنياء حرامية
بس الحقيقى فعلا هو عدم التوازن بين طبقات المجتمع وعدم وجود عدالة اجتماعية
فالاغنياء يزدادوا غنى والفقراء يزدادوا فقرا
كان الله فى عون ام الدنيا مصر
شكرا على مرورك عندنا
واتمنى التواصل

daktara said...

dr. ibrahim
لأ طبعا ردي عليك موقعش من قعر القفة ولا حاجة لأن اصلا مفيش قفة
وكمان اللي بيشيل قفة مخرومة بتخر او مش عارف ايه كده عليه
بس انا رحت رديت عليك في عقر مدونتك (حاجة زي في الكنيست ذاته كده)

عموما ياسيدي حصل خير بالنسبة للمقوله
مش هتفرك كتير وانا لا عامل حقوق نشل ولا غيره حقوق نشل ازاي وانا ناشلها اصلا من المتنبي
ما علينا
سعيد بتعارفنا والي الملتقي

انظر حولك
د. خالد عزب

daktara said...

حاجات جوايا
بنوته
نيرة ومنة الله

ارائكم اسعدتني
ونورتم المدونة بزيارتكم

انظر حولك
د. خالد عزب

شفقة هانم واحسان بك said...

ههههههههههههه
البوست دمه خفيف جدا ولكنه هادف
تحياتى

fashkool said...

كل سنه وانت طيب يا دكترا انت غايب فين من زمان.. تحياتى

fashkool said...

آه اسمك مكتوب يا دكترا بس مكتوب العنجليزى .,. وبعدين انا مش حابيع انا حاستنى اما الصك يبقى بـ 2000 جنيه وابيعه ولا حتى 5000 هو انا حيبقى حيلتى غيره .. كل سنه وانت طيب يا دكترا

daktara said...

فشكول
لأ ناصح
تعجبني

حاجــ عيال ــات said...

السلام عليكم
ازيك يادكترة وكل سنة وانت طيب
ومرسي على زيارتك الجميلة

طيب هو مافيش توست بلدي
بدل التوست الماركة وبدل الفطير بتاع الغلابا ده
يارب قويني على الفول

تحياتي
جهاد مشالي

M.K said...

السلام عليكم يا دكتور..
يعني يا تكون حرامي يا تكون حمار..
يمكن عندنا الطبقه الوسطى هي الأغلبيه
نبقى نص حمار ونص حرامي...
خليط عجيب..
........
دمت بخير...
..............
وعيد سعيد

طوبة ذهب وطوبة فضة said...

احييك دكتورنا الفاضل على هذا الراى ولكن احب اضيف ان المجتمع اصبح جزءحرامى او اخد حقه من الدنيا بدراعه والجزء التانى رفض يكون حرامى ولسه مستنى حقه فى الاخره ومش مهم ناكل توست فى دار الفناء ولكن الاهم اكلها فى دار الخلود مش مهم تركب عربيه احدث موديل ولما تموت وتتسئل من اين لك هذا ما تعرفش ترد الفرق ان فى ناس استعجلت على حقها وناس صبرت لحد ما يجى حقها لحد عندها اسفه على الاطاله وبجد لذيذ الموضوع وتقبل مرورى

نور الايمان said...

فعلا اغنيه لذيذه جدا وبوست جميل جدا
بس افتكر ان الكلام المذكور يخص طبقيتين من المجتمع في اقصى طرفي السلم
يعني الطبقه الفاحشة الثراء والطبقه التي تعيش تحت عتبة الفقر
وده بيلغي وجود طبقه بتمثل النسبه الاكبر في المجتمعات العربيه وهي الطبقه المتوسطه

Anonymous said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室