Tuesday, November 25, 2008

بتاكل توست ماركه اغلي من دستة فطير

في اغنية الفنان احمد مكي في فيلمه الاخير دبور تناقضات كتير
الاغنيه في مجملها جميله وخفيفة
ولكن من اجمل الكوبليهات اللي شدتني جملة
بتاكل توست ماركه اغلي من دستة فطير
جملة فعلا بتبين تناقضات كتيره في المجتمع , من الثراء الفاحش لواحد بياكل توست تمنه اغلي من دستة فطير عائله بحالها بتشقي علشان تلاقيه
طبعا الرمز هو المقصود
في دوله اصبحت تنقسم الي طبقة اثرياء واخري عبيد او فقراء لو حبينا نخفف وقع الكلمة
وده بيفكرني بموقف حصل لي من حوالي شهرين لما كنت في المركز الثقافي البريطاني لما كان عمل مؤتمر او ندوة عن فرص للدراسه في انجلترا وهناك قابلت واحدة دمها زي العسل لما اتكلمنا عن ظروف البلد وان الواحد عايز يهج قالتلي ان المجتمع اصبح ينقسم الي
حمير وحرامية
فأما تكون حرامي علشان تاكل توست ماركه
او تفضل حمار وتجري ورا دستة الفطير
فيا تري انت بقي بتاكل توست ماركه اغلي من دستة فطير؟
بتقسط كل حاجة ولا كاشك وفير؟
عندك عربية كارو ولا عربية بشوفير؟

انظر حولك
د. خالد عزب

29 comments:

عمرو said...

صباح الخير يا دكتور
سؤالك غريب
يعنى عاوز اللى يعلق عندك يقول أيه ؟
أيوه أنا حرامى
أو
أيوه أنا حمار
؟؟؟!!!
كتير ما يجانبك الصواب يا دكتور خالد

Ahmed Mohamed said...

هههه
انا مش باكل من اساسه
وبمشي كتير
دا حتي المشي رياضه

ياعزيز المشكله الاكبر
ان الحراميه ركبت علي الحمير

فشكووول said...

أنا بقى من الحمير عشان ما معاييش حتى ثمن فطيره واحد مش دستة فطير .. وكمان البلد مش نصين البلد نص واحد نص بياكل كل حاجه وواخد كل حاجه والنصف الاخر ميتين بس بيتحركوا وخلاص زى الروبوتات .. زى حمير العنب .. تحياتى

فشكووول said...

أنا بقى من الحمير عشان ما معاييش حتى ثمن فطيره واحد مش دستة فطير .. وكمان البلد مش نصين البلد نص واحد نص بياكل كل حاجه وواخد كل حاجه والنصف الاخر ميتين بس بيتحركوا وخلاص زى الروبوتات .. زى حمير العنب .. تحياتى

Unknown said...

سلام الله عليكم ورحمته وبركاته
للاسف الشديد في ناس الان لا تجد الماء النظيف لتشربة او حتي ثمن قوت يومها
كنت كتبت مرة بوست بعنوان التكافل الاجتماعي في الاسلام كان يتكلم عن كيفية مساندة طبقات المجتمع بعضهم لبعض
نسأل الله ان ييسر الخير للمسلمين
وجزاكم الله كل خير

Dr. Ibrahim said...

اولا يا يا دكتور انا مختش حاجة من حد عشان يتقال عليا بلطش

ثانيا

التوست ده ليه معايا حكاية ظريفة قوى

كنت معزوم فى فرح فى قاعة فى القاهرة وكنت لسه صغير فى الإعدادى كده
والمهم اتقدم قدامى عيش توست وحاجات تانية المهم هو كان منهم

انا بقى مسكت الشوكة والسكينة ودوست فى العيش التوست وانا اقول الناس بتضحك على ايه

وانا اعيط
هههههههههههههههههههه

وأعيط

تحياتى

Empress appy said...

مش عارفه يا ابنى فيه ايه
ما انا باكل توست وايه دسته فطير دى والنبى بلاش ننقيم الناس على اساس اكلها فيه ناس فقيره اوى بس بتاكل حاجات كويسه
وبعدين انت من انهى نوع انا عن نفسى بنت مصريه بحب بلدى واهلها بكل تخلفهم وشطحاتهم انا ولا ده ولا ده

رئيس التحرير said...
This comment has been removed by the author.
رئيس التحرير said...

ايه يا دكتور ؟
حضرتك فاكر انك بتكب روشته
ودا نلاقيه عند انهو صيدلاني بقي؟
اذا اكلت توست ...ف ..طير
الي أي مصير
من الأثنين يعجبك!!

daktara said...

عمرو
احترم رأيك
ولك مطلق الحرية فيما تراه

daktara said...

ahmed 3alam وحاجات تانيه كتير

انا برضه معاك المشي رياضة للحمير بس

daktara said...

fashkol

اشكرك علي صراحتك

daktara said...

الفاتح الجعفري
اشكرك علي تعليقك الرقيق

daktara said...

appy
شكلك كده بتغمسي التوست بالفطير

daktara said...

رئيس التحرير
لأ انا باكل فطير زي عامة الناس
فطير محشي توست علي فكره

حاجات جوايا said...

ههههههههههه
سؤال غريب بصراحة
انا لا باكل توست ولا فطير
انا باكل بسكويت

بس عندك حق بالنسبة للهوة الموجودة فى المجتمع .. بس المشكلة مش فى كده
تباين طبقات المجتمع موجود فى كل مكان
المشكلة انك تعيش فى مستوى اعلى من مستواك

بمعنى انك تاكل توست وانت مش لاقى تمن الفطير

دمت فى حفظ الله اخى الفاضل
سعدت بزيارتك الكريمة

Dr. Ibrahim said...

ايه يا دكتور مرضتش على تعليقى ليه وقع من القفة

المهم يا باشا والله انت اللى قولت المقولة انا الى قلتها مش فارقة بس بجد

انا كتبتها فى2005

كان ليا مدونة قديمة وكنت عاملها فيها ولا عمرى سمعتها من حد ولا اى حاجة ولا شوفت مدونتك دى قبل كده

وعلى العموم لو عامل عليها حقوق اشيلها من بروفايلى والله

تسلم يا حبى

د إبراهيم

بنوتة said...

هههههههههههههه
والله معاك حق في ناس كدة
بس أنا الحمد لله مش باكل توست أصلا
أتمنى أشوف تعليقك عندي

نيرة و منةالله said...

موضوع حلو
وفعلا كلنا كدة
بس مش لدرجة حمير يعنى
ومش كل الاغنياء حرامية
بس الحقيقى فعلا هو عدم التوازن بين طبقات المجتمع وعدم وجود عدالة اجتماعية
فالاغنياء يزدادوا غنى والفقراء يزدادوا فقرا
كان الله فى عون ام الدنيا مصر
شكرا على مرورك عندنا
واتمنى التواصل

daktara said...

dr. ibrahim
لأ طبعا ردي عليك موقعش من قعر القفة ولا حاجة لأن اصلا مفيش قفة
وكمان اللي بيشيل قفة مخرومة بتخر او مش عارف ايه كده عليه
بس انا رحت رديت عليك في عقر مدونتك (حاجة زي في الكنيست ذاته كده)

عموما ياسيدي حصل خير بالنسبة للمقوله
مش هتفرك كتير وانا لا عامل حقوق نشل ولا غيره حقوق نشل ازاي وانا ناشلها اصلا من المتنبي
ما علينا
سعيد بتعارفنا والي الملتقي

انظر حولك
د. خالد عزب

daktara said...

حاجات جوايا
بنوته
نيرة ومنة الله

ارائكم اسعدتني
ونورتم المدونة بزيارتكم

انظر حولك
د. خالد عزب

شفـقــة و إحســــان said...

ههههههههههههه
البوست دمه خفيف جدا ولكنه هادف
تحياتى

فشكووول said...

كل سنه وانت طيب يا دكترا انت غايب فين من زمان.. تحياتى

فشكووول said...

آه اسمك مكتوب يا دكترا بس مكتوب العنجليزى .,. وبعدين انا مش حابيع انا حاستنى اما الصك يبقى بـ 2000 جنيه وابيعه ولا حتى 5000 هو انا حيبقى حيلتى غيره .. كل سنه وانت طيب يا دكترا

daktara said...

فشكول
لأ ناصح
تعجبني

حاجــ عيال ــات said...

السلام عليكم
ازيك يادكترة وكل سنة وانت طيب
ومرسي على زيارتك الجميلة

طيب هو مافيش توست بلدي
بدل التوست الماركة وبدل الفطير بتاع الغلابا ده
يارب قويني على الفول

تحياتي
جهاد مشالي

مهرة سالم said...

السلام عليكم يا دكتور..
يعني يا تكون حرامي يا تكون حمار..
يمكن عندنا الطبقه الوسطى هي الأغلبيه
نبقى نص حمار ونص حرامي...
خليط عجيب..
........
دمت بخير...
..............
وعيد سعيد

طوبه فضه وطوبه دهب said...

احييك دكتورنا الفاضل على هذا الراى ولكن احب اضيف ان المجتمع اصبح جزءحرامى او اخد حقه من الدنيا بدراعه والجزء التانى رفض يكون حرامى ولسه مستنى حقه فى الاخره ومش مهم ناكل توست فى دار الفناء ولكن الاهم اكلها فى دار الخلود مش مهم تركب عربيه احدث موديل ولما تموت وتتسئل من اين لك هذا ما تعرفش ترد الفرق ان فى ناس استعجلت على حقها وناس صبرت لحد ما يجى حقها لحد عندها اسفه على الاطاله وبجد لذيذ الموضوع وتقبل مرورى

Anonymous said...

فعلا اغنيه لذيذه جدا وبوست جميل جدا
بس افتكر ان الكلام المذكور يخص طبقيتين من المجتمع في اقصى طرفي السلم
يعني الطبقه الفاحشة الثراء والطبقه التي تعيش تحت عتبة الفقر
وده بيلغي وجود طبقه بتمثل النسبه الاكبر في المجتمعات العربيه وهي الطبقه المتوسطه