الكوميديا .... الوزاريه

وعلى غرار ما يفعله المفلسون فكريا ..قررت ان اسلك طريقى الى المجد والشهره بأقصر المسافات

فعندما اصبحت على يقين من اننى لن استطيع ان اكون اديبا او روائيا جيدا مهما حاولت جائتنى هذه الفكره الجهنيمه فعلى الرغم من انها نمطيه للغايه الا اننى رأيتها طريقا سهلا وسريعا للشهره والمجد فبدلا من ان ارهق نفسى فى تأليف عمل ادبى او روائى ضخم سيستنزف منى الوقت والمجهود ولن يحظى حتى باحترام عم خليل البواب قررت ان اسرق اى عمل روائى شهير وان اقوم بتعريبه ثم تمصيره ثم اعبث ببعض والاسماء والاماكن ويصبح من ابداعى .ثم ادعى اننى له مبدعا وانه من قريحتى متفتقا..مدارس الادب العالمى تحشد بالكثير من الاعمال الصالحه للسرقه يمكننى ان اسرق عملا لديستوفسكى او دوماس او ماركيز ....لن يستلزم الامر الكثير من العناء اذا كان اسم البطل لويس او فرناندو او يفجينى فاليكن مصطفى او اسماعيل او الحاج الشربينى على عبده الشربينى ولو كان مسرح الاحداث هو موسكو او روما او باريس فاليصبح بركة السبع او اخميم او مركز شباب البر التانى لكننى وبعد تفكير عميق ...قررت ان اسلب العزيز دانتى اروع انتاجاته ..الكوميديا الالهيه

وبدلا من ان اجعل الابطال فى الروايه الهة الاغريق كما كان دانتى يرغب ...جعلتهم الهة هذا الزمان.... الساده الوزراء

تدور احداث رواية دانتى عن ان زيوس ملك الالهه قد قرر ان يعاقب ابناؤه من الالهه المستهترين العابثين بالبشر بأن يهبطوا يوما من الاوليمب الاعلى الى الارض ليكابدوا ويعانوا مما يعانى منه البشر لمدة يوم واحد بلا صلاحيات الهيه ...كبشر ..مجرد بشر لذا فان احداث روايتى تدور عن الساده الوزراء عندما ينزلوا الى الشارع المصرى لمدة يوم واحد كبشر عاديين بدون صلاحيات وزاريه ليقاسوا ما يقاسى منه المواطن المصرى البسيط .... واليكم ابداعى الادبى
تدور احداث الفصل الاول من الروايه عن السيد وزير الصحه فى هيئه امرأه طاعنه فى السن تحاول ان تزج بنفسها فى غرفه لا تزيد مساحتها عن خمسين مترا كائنه فى هيئه العلاج على نفقة الدوله لكى تحصل على عدد من حقن الانسولين المدعم الذى تقدمه الدوله لمعدومى الدخل .السيد الوزير فى تلك الهيئه وجد نفسه فجأه فى تلك الغرفه مع اكثر من الف بنى ادم سقط بينهم وداسته الاقدام ولم يأخذ اى شىء تقريبا سوى شىء واحد لكننى اعجز عن ذكره نظرا لخوفى من مقص الرقيب.
الفصل الثانى تدور احداثه عن السيد وزير التموين والتضامن الاجتماعى فى هيئة فتاه فى الرابعه عشر تقف فى طابور عيش امام فرن بلدى يقع فى بولاق الدكرور الساعه العشره صباحا .السيد الوزير وجد نفسه يتعرض للنهش والهبش من الساده الواقفين فى الطابور الذى كان طوله يقل قليلا عن طول النهر الخالد , السيد الوزير كاد يغمى عليه من الوقوف وكاد يسقط على الارض لولا ان بادر احد الشباب الواقفين بمساعدته حاملا السيد الوزير على احد اصابعه فقط ... نعم لقد نجح هذا الشاب الشهم فى مساعدة الوزير على الوقوف بأصبع واحد فقط
الفصل الثالث السيد وزير الاسكان فى هيئة شاب فى الثلاثين من عمره يفيض نشاطا وحيويه وقد وقف امام احد الموظفين فى احدي مديريات الاسكان بأحدي المحافظات لكى يحاول الحصول على شقه فى احد تجمعات اسكان الشباب التابعه للوزاره ...حينما حاول الموظف اقناعه ان هناك مقدم متواضع للغايه وهو مبلغ 40 الف جنيه كما ان هناك قسط شهرى حوالى 2000 جنيه كما ان يسبق ذلك كله مبلغ ادارى ودى على هيئة مظروف يجب ان يدسه هذا الشاب فى احد ادراج مكتب الموظف المحترم ..حاول الشاب الطموح ان يرد بلسانه فخرج الرد ابلغ من انفه ...لم يقتنع السيد الموظف المحترم ... بهذا الرد اما السيد الوزير ... فقد غادر على الفور
الفصل الرابع .. بطولة السيد وزير الاعلام وهو فى هيئة رجل عادى فى منتصف عقده الخامس يجلس على احد مقاهى حى السيده زينب مستمعا الى رأى الساده الجالسين حوله فى ما يقدمه التليفزيون المصرى فى رمضان من برامج ومسلسلات ومحاولة ربط احدهم بين ما يقدمه تلفزيون الدوله من برامج وبين خطة الدوله لتنظيم الاسره ...اضاف هذا الرجل ان الدوله اصبحت تعتمد على تقديم مثل هذه البرامج من اجل القضاء على العنصر الذكورى فى الشعب بتقديم هذه البرامج حتى يعجز النساء عن الانجاب بعد فقد الذكور لقواهم ال... العقليه .. بلاش التانيه
الفصل الخامس والاخير تدور احداثه فى احد اقسام الشرطه فى ساعه متأخره بعد منتصف الليل حيث يدخل السيد وزير الداخليه فى هيئة امرأه عجوز تصرخ وتولول امام الضابط النوبتجى الذى لم يكلف نفسه عناء انزال قدمه من وجهها ..كانت السيده تصرخ وتخبر الضابط ان هناك لصا اقتحم منزلها لسرقة مصوغاتها ومدخراتها وعندما قاومت حاول الاعتداء على بناتها القصر وقام بطردها من المنزل ...اعتدل الضابط المحترم اخيرا واخبر السيده بهدوء ان عليها ان تعود الى هذا اللص وتخبره ان عليه ان ينتظر حتى التاسعه صباحا لحين حضور السيد معاون مباحث القسم لاتخاذ الاجراء اللازم ..وانه لايملك ما يساعدها به سوى تحرير محضر !!!لطم السيد الوزير على وجهه ولعن ابو القسم والضباط اللى فيه فقام الضابط المحترم بأمر احد المخبرين بحمله الى الحجز لحين تحرير محضر بحقه لاهانته للسلطات

كانت روايه فى منتهى الروعه ... كنت فخورا بها للغايه اذكر اننى اسميتها الكوميديا الوزاريه .. بالطبع قبل ان امزقها والقيها فى الزباله

شكلها باظت

انظر حولك

د. خالد عزب

مختل

(( مختل ))
انتهيت لتوى من تبديل الاطار التالف وتركيب الاطارالاحتياطى .....لم يكن امرا شاقا ...لكن الظلام جعله كذلك اعدت الاطار التالف الى حقيبة السياره , عدم وجود بطاريه كاشفه جعل البحث عن ادوات فك الاطار عسيرا اغلقت حقيبه السياره وعدت الى مقعدى لاصطدم اثناء ركوبى بالقائم المعدنى المستخدم فى فك الاطار ملقى على الارض لم يكن ينقصنى سوى هذا الاطار اللعين فى هذه الليله المرهقه لم اشأء العوده الى الحقيبه ووضعت القائم المعدنى فى التجويف الموجود بالباب المجاور لى واغلقت الباب وادرت السياره واكملت هذا الطريق الذى بدا لى طويلا للغايه هذه المره .

لم اقد على هذا الطريق منذ مده طويله لكننى مازلت اذكر انه طريق سىء للغايه, كان فى بدايته مصحه نفسيه مجاوره لمستشفى يقابلها فى الناحية الاخرى من الطريق محطة بنزين عتيقه لم يكن الجو جيدا ابدا كان الوقت بداية الشتاء تقريبا حين يحلو للجو ان يفاجىء الناس بالامطار كنت اسأل الله الا تمطر حتى انهى هذا الطريق ولكن ...يبدو ان الله لم يستجب لدعائى اذ سرعان ما اسقطت السحب الكثيفه الداكنه مافى جوفها من امطار انهمرت لتغمرالسياره مما اضطرنى لتهدئة السرعه والسير على اقصى يمين الطريق كان طريقا مظلما الا من بعض اعمدة الاناره عند القرى الكبيره المنتشره بطول الطريق ورغم اننى كنت على عجله من امرى الا ان ظروف سقوط المطر بهذه الغزاره جعلنى مضطرا للسير ببطىء شديد خوفا من انزلاق عجلات السياره واذعنت للامر الواقع ...ليله سوداء على مايبدو ...ومايبدو لا ينم عن خير فيما لا يبدو وفجأه ابصرت على جانب الطريق شبح ذو جلباب ابيض يشير الى باستماته للوقوف لم اكن من هواة الوقوف للغرباء على الطريق كما لم اكن من معتادى التصرف بشهامه فى الواقع لكن الوقت المتأخر والامطار الغزيره والطريق المظلم ...كانت عوامل قويه لاجبارى على الوقوف توقفت بالفعل بعده بعدة امطار ثم اشرت له بالركوب سريعا دلف الى السياره مسرعا واغلق الباب بعنف كمن يحاول الهروب من المطر الغزير او كمن يشعر ان المطرسيدخل معه الى السياره ...كان يرتجف ...وكان هذا حقه تماما - انا اسف جدا ...لو سيادتك مسافر فى هذا الاتجاه اريد النزول عند المدينه القادمه ..انها على نفس الطريق الرئيسى قالها وهو يرتعد من البرد ...بدا لى انه واقف منذ مده طويله - تحت امرك ...مافيش مشكله قلتها وانا اتفحص ملامحه التى قام الظلام باخفاء اغلبها لم استطع ان اتبين لون بشرته او ملامحه لكنه كان نحيفا نابت اللحيه بارز عظام الوجه كما انه كان مبلل تماما يحاول ان يمسح يديه المبلله فى ملابسه المبلله متوقعا حدوث تغيير فى ايا منهما, حاولت كسر حاجز الصمت فبادرته بالقول ...- يبدو انك تقف فى المطر منذ فتره انك مبلل تماما اجاب دون ان ينظر نحوى-نعم ...ضروره قصوى فى الواقع اخرجتنى فى هذا الوقت -امنت على رده قائلا - الضرورات القصوى فقط تدفع الانسان للخروج فى مثل هذا الطقس لم يرد ولم يعلق كان يبدو انه يحاول تجنب الدخول فى حديث لكسر ملل الطريق احترمت طلبه غير المعلن وابتلعت لسانى وانا احاول التركيز فى القياده ثم ادرت الراديو على الموجه المحليه وانا انوى الاستماع اليها قائلا -هل تحب سماع بعض الموسيقى ...؟هز رأسه بالايجاب ..ان لا بأس فى ذلك ادرت الراديو على الموجه المحليه وبالفعل انساب صوت الموسيقى الى السياره حاولت الاستمتاع بالصوت المتقطع المنساب من الراديو نتيجة الطقس الردىء مضى بعض الوقت وهوا على صمته وانا استمع الى الموسيقى ولم يبق على المدينه التى يقصدها سوى كيلومترات قليله كنت سعيدا انه سيغادر السياره قريبا كنت اطالع بعض اللافتات على جانب الطريق عندما قطع الموسيقى صوت مذيعه الراديو لتقول(( اعزائى المستمعين ...نعتذر عن قطع الفقره الموسيقيه لهذا النبأ الهام, تمكن مختل عقليا من نزلاءالمصحه النفسيه الموجوده بأطراف المدينه من الهروب عصر اليوم بعد ان غافل اثنين من الحرس وارداهم قتلا وهو خطير للغايه ودموى النزعه لديه نهم شديد لرؤية الدماء وقد يكون مسلحا ..وهو يرتدى ملابس المصحه البيضاء لذا نرجو الابلاغ عنه فور الاشتباه به وقد قامت قوه من ال..................)) كنت استمع الى صوت المذيعه حينما التفت تجاه الراكب جوارى لاجده يحدق فى وجهى وقد اعتدل باتجاهى ثم لمحته يحاول اخراج شىء من جيبه وقد وضع ساعده الايسر ليفصل بينى وبينه بمسافه ثم انتزع هذا الشىء بسرعه وطوح به تجاهى ضغطت فرامل السياره فجأه كرد فعل ...فاندفع جسده الى الامام وطاشت ضربته ..وسقطت من يده اله حاده ووجدتنى انتزع القائم المعدنى المجاور لى فى الباب واوجه به ضربه الى وجه الرجل اصابت عينه فتراجع الى الخلف ولطمنى بيده اليسرى فى فكى اثناء تراجعه للخلف فهويت بالقائم المعدنى على رأسه مباشره هذا المره وتفجرت الدماء من راسه بشده لكنه ظل يقاوم فى شراسه وحاول تطويق رقبتى بكلتا يديه لكننى نجحت فى اصابته على مؤخرة عنقه التى تفجرت منها الدماء ثم تراخت ذراعاه حول رقبتى ثم سقطت عنها فهويت على وجهه مره ثالثه بالقائم المعدنى وسط نزيف دمه على يدى وعلى مقعد السياره بغزاره بدا لى اننى اتصرف بهستريا ..لان الرجل انتهت مقاومته تماما لكن ذلك لم يوقفنى ...كنت اهوى كل مره على جسده واشاهد الدم يتناثر فى استمتاع حقيقى ثم انفجرت ضاحكا بصوت عالى ملىء ارجاء السياره وانا اقول :
من اخبر هؤلاء الملاعين اننى اعشق رؤيه الدماء .....؟؟؟؟

التاميفلو... لايزال في جيبي

مدير الادارة (ادارة شرم الشيخ الصحية) اتصل بيا وقالي هننقلك المطار( مطار شرم الشيخ) علشان أقبض علي السياح الأشرار ... واحمي البلد من انفلونزا الخنازير

في الصورة هتلاقي مثال لأحد هؤلاء السياح الأشرار

رديت عليه وقلتله :- التاميفلو لايزال في جيبي يا ريس, التاميفلو علاج يستخدم لعلاج حالات الاصابة بانفلونزا الطيور

ولذلك سوف اغيب عنكم لمدة اسبوعين اقضيهم في السهر والدفاع المستميت عن أمن هذا البلد لحماية مدخراتها للسواد الأعظم من ابناء هذا الشعب

عارف ... عارف هتقولوا ايه

مصر امانة في رقبتي ... متخافوش يا ولاد , مصر بخير طول ما انا سهران علي حمايتها

والأن اترككم مع قصة مختل , القصة الحائزة علي جائزة أحسن قصة قصيرة الذي نظمته بنفسي في هذه المدونة

شكلها باظت

انظر حولك

د. خالد عزب

عن مترو الأنفاق ... احدثكم

وبما اني بقيت شاب قاهراوي اصيل , ومترو الانفاق هو وسيلتي الاساسية في التنقل في المدينة العنكبوتية , خلاص حفظت مترو الانفاق وبقي بيتي .

المترو ده بقي حكايته حكايه

طبعا احنا من يوم ما عملناه ومفيش اي صيانه خالص ولا اي حاجه من الكلام ده لغاية ما هيبقي حاجة اثرية كده زي الاهرامات وابو الهول , وحتي محاولات الصيانة اللي بتحصل زي تجديد رخام بعض المحطات بتتعمل طلسقة وأي كلام وبتسيب الحاجة اسوأ مما كانت عليه .

انا خلاص بقيت خبره في شئون المترو وبقيت اعرف ازاي الاقي كرسي اقعد عليه (مش دايما طبعا) ولكن في احوال متعددة

لو كنت من مستخدمي المترو .... خد النصايح دي

أولا :- أول لما تركب تروح علي الطرقة بين الكراسي علي طووووووول ومتقفش جنب الباب علشان لما حد ينزل تكون قريب من كرسيه اللي فضي وتلحق تتفضل تترزع عليه علي طول

ثانيا :- تنمر علي حد تتوسم من ملامحة انه هينزل قريب وتقف جنبه وتخليك مستعد, دي بقي تعرفها ازاي , بص يا سيدي اللي لابسين بدل بينزلوا التحرير (محطة السادات) غالبا بيبقوا شغالين في وسط البلد ولازم يلبسوا بدل في شغلهم , اللي لابسين جلاليب بينزلوا في رمسيس غالبا بيبقوا فلاحين او صعايده وطبيعي لازم يعدوا علي رمسيس علشان يبدأوا يحددوا اتجهاتهم

ثالثا :- لو انت رايح حلوان او المعادي , اصبر شويه وهتلاقي المترو كله نزل في دار السلام وبعدها اكيد هتلاقي مكان تقعد فيه

رابعا: - لو انت رايح المرج اصبر شويه وهتلاقي المترو كله نزل في المطريه وعين شمس وبعدها اكيد هتلاقي مكان تقعد فيه

خامسا :- لو انت مسافر الي الاسماعيلية بورسعيد السويس (مدن القناة) او سيناء وعايز تركب من المرج الجديدة , انصحك اركب اي مترو مش رايح المرج الجديدة وانزل في المرج وعدي الكوبري واركب المترو اللي بعده يوديك للمرج الجديدة , لأن مترو المرج الجديدة بيبقي زحمة موووووووووووووووت ومش هتلاقي مكان لصدرك يتمدد فيه علشان تتنفس (عن تجربة شخصية )جدا

لمحة شخصية انسانية من المترو

في مره كنت راكب المترو , قعد قدامي راجل ومراته عندهم حوالي 30 سنة وواضح انهم متجوزين بقالهم حوالي سنتين تلاتة كده , وفي عيونهم نظرات حيرة وألم وترقب , بصيت في يد الراجل وجدتها قابضة علي مظروف اصفر كبير مكتوب عليه بانجليزية واضحة

H.S.G

بالنسبة لناس كتير هذا لا يعني اي شئ وربما لم يكن الموقف ليلفت انتباههم بالمره , ولكن بالنسبة لي وبحكم طبيعة عملي كنت أعرف ان هذا الاختصار لكلمة

hysterosalpingography

يعني اشعة بالصبغة علي الرحم , وهي اشعة بتتعمل للمتأخرين في الانجاب او عندهم مشاكل متعلقة بالخلفة , طبعا كان واضح انهم رايحين أو جايين من عند دكتور النساء والولادة , بالنسبة لي كانت نظراتهم كلها حيرة وألم وكنت اقرأ في عين كل منهما الاف الكلمات والمشاعر المتلاطمة , صعبوا عليا جدا وكل واحد فيهم باصص في ناحية وتضرب رأسه الافكار وعيونهم لا تتلاقي واجسادهم متباعدة , حلم الطفل يسيطر عليهم طوال الفترة التي جلسوها امامي .

تلاشي التقاء العيون , قلق وتفكير عميق نظرات كلها حيرة وكلام قليل متقطع اشياء كانت تعني لي الكثير ولم يلاحظوا اني من دون باقي الركاب المحها وافهمها ..... نزلوا من المترو بعد ان شغلوا عقلي وجوارحي , ظللت ادعوا لهما الله بتحقيق مرادهم بعد ان دمع قلبي لحالهم , وأدعوا الله ألا يجعلني في نفس الموقف

شكلها باظت

انظر حولك

د. خالد عزب

ده مرتبي لو كنت في امريكا

payscale ده مرتبي وفقا لموقع

طبعا ده مرتبي (اعمل طبيب والأجر علي الله) لو انا شغال في امريكا , بنفس مؤهلاتي وسني وقدراتي وخبرتي الحالية

الحمد لله علي الكام ملطوش اللي بناخدهم هنا في ام الدنيا

الا صحيح اخبار العلاوة الاجتماعية ايه ؟ اصل مزنوق في قرشين اليومين دول

Median Salary by Years Experience - Job: Family or General Practitioner (United States)

Median Salary by Employer Type - Job: Family or General Practitioner (United States)
Median Salary by City - Job: Family or General Practitioner (United States)


حد ليه شوق في حاجة؟

شكلها باظت

انظر حولك

د. خالد عزب

استغفر الله العظيم الذي لا اله الا هو استغفره واتوب اليه

احصائيات قام بها الدكتور طارق السويدان

حوار مع النفس

وكالعاده اختتم خالى العزيز مكالمته التليفونيه لى بقوله ...طيب شد حيلك يا بطل عايزين نفرح بيك !!!... انهيت المكالمه دون ان اعلق على اخر جمله قالها حيث اننى صدقا لا اعرف لها ردا

نظرا لاننى لا افهم لها معنى محدد فجأه اصبحت هذه الكلمه هى الاكثر انتشارا واستخداما على السنه الجميع تقريبا من اقارب وجيران ومعارف لدرجة اننى ظننت انهم الغوا السلام عليكم ومساء الخير وسعيده والكلام ده فلا يلقانى عم او عمه او خال او خاله او اى صديق من اصداقء الوالد الا ويبادرنى قائلا ...((مش هنفرح بيك بقا ولا ايه ...؟؟؟؟؟)) تعجبت بشده فى البدايه هل من المعقول ان كل هؤلاء حزانا وينتظروننى انا كفرحة العيد مثلا وما الذى يجب على فعله كى اجعل كل هذا الحشد يفرح ...؟؟؟

والاهم من ذلك .... لماذا اجمع كل هؤلاء القوم على العبد لله وفى هذه الفتره بالذات لكى اكون سبب فرحتهم ..؟؟!!!كنت اناقش هذه الخواطر بينى وبين نفسى وانا ارتدى حلة الطيران الزيتى الشبيهه بالعفريته حيث ينتظرنى الان السيد قائد السرب شخصيا ليشرفنى بطلعه ليليه مع جنابه ... وهو لمن لا يعرف شرف ضخم بالنسبه لطيار فى رتبتى ...المهم اننى كنت سارح فى تحليل اسباب انتشار مصطلح عايزين نفرح بيك هذه الايام ويبدو اننى اندمجت لدرجة اننى كنت اتحدث بصوت مسموع ... حينما خرج منى السؤال عفويا ..(( اخليهم يفرحوا ازاى دول ... اقلع وارقصلهم ..؟؟؟!!!!!))فجأه سمعت الصوت الذى يجيب على تساؤلى مباشره (( لاء.. انت اقلع بس وهما هيفرحوا خالص ..وانا كمان والله هفرح وهتبقا مليطه ))التفت لاجد السيد زميل الغرفه يتجه الى دولاب ملابسه ليقلع العفريته الخاصه به وهو يقول ..(( انا لله وانا اليه راجعون . ..الواد اتلحس علشان طلعة ليل اومال لما يتسلوا عليه بقا هيعمل ايه ؟؟))بالطبع طمأنت السيد الزميل على حالتى العقليه واوضحت له اننى لم اصب بالهلوسه بعدوان ما انا فيه لا علاقه له باطيران الليلى الذى بلونى به دون مناسبه فقط انا غير مستوعب لفكرة ان اكون مسؤول عن فرحة هذا العدد الضخم من الناس الذين يتساءلون دائما ..هنفرح بيك امتى ؟؟؟وتساءلت ساخرا ((ربما كان لهذا الامر علاقه باسم جدى بهيج الله يرحمه ...؟؟))بدا عليه التفكير لحظه ثم قال ببساطه (( لاء اعتقد ... لكن ربما كان لاسم المرحوم جدك علاقه بموضوع القلع والرقص اللى كنت بتفكر فيه من شويه ))لم افهم دعابته على الفور ..لكننى اعترف اننى عندما فهمتها كدت اسقط على الارض من الضحككان هذا الزميل من النوع الرايق تماما وكان يضحك ويضحك الاخرين طول الوقت تقريبا حتى ان البعض حذرنى من الطيران معه ...لانه احيانا يجعل من يطير معه يفقد الوعى من الضحك اثناء التدريبلكن افضل ما فيه على الاطلاق انه كان انه لا ينتمى الى العسكريين بأى شكل فعلى الرغم من انه اقدم منى بأربع سنوات كامله ويفوقنى رتبه ... الا انه كان دائم المزاح معى دون اى تكليف ...كما انه كان يكره اى القاب ..بدايه من رتبته انتهاء بألقاب سيادتك ويافندم وكل المصطلحات الميرى المستهلكه كان يميل الى البساطه فى المعامله الى اقصى مدى مع عدم الحفاظ على اى احترام للسن او الاقدميه وكان يردد دائما عندما لقيته فى اول ايام عملى فى هذا المطار ..((انا يا ابنى مابحبش الضباط ...وما بقعدش معاهم فى استراحه واحده .. لو حسيت انك ضابط ولو لثانيه واحده هبلغ السرب ينقلك استراحه تانيه ))كان يجمع بين مميزات الشاب الراقى المهذب والطيار المقاتل المتمرس كنت احترمه للغايه واثق فى رأيه ...لذا فقد قررت ان اخذ رأيه فى موضوع عايزين نفرح بيك الذى بدأت امل من سماعه

الا صحيح يا ونج ...هوا ايه موضوع عايزين نفرح بيك ده ... ماحدش يكلمنى من قرايب او معارف الا ما يقولى عايزين نفرح بيك ...هوا فى حالة حزن منتشره فى البلد اليومين دول..؟؟))هز رأسه فى تفهم وهو يقول (( لا توجد حالة حزن عام يا محترم توجد فقط حاله عنوسه مزمنه لفتيات المجتمع المصرى...وبالمناسبه لولا ثقتى فى انك عبيط تماما ... لما صدقت انك لا تعرف معنى عايزين نفرح بيك ..دا العيال الصغيره يعرفوها ))لكننى لم اكن اسمعه جيدا ... كنت اردد فى بله شديد((عنوسه ..!!!)) (( وما دخلى انا بالعنوسه ..!!!!))ارتفع حاجباه فى دهشه حقيقيه وهو يقول ...(( ما دخلك .... !!!!!ما دخلك ايه يا محترم ...اومال يبقا دخل مين ؟؟؟ ضابط طيار شاب فى مقتبل العمر مهنه مميزه ودخل محترم ومستقبل واعد بالاضافه الى سمعه طيبه وعائله كريمه .... صدقنى يا صغيرى انت عمر الشريف هذا الزمان )) شعرت بسعاده حقيقيه بعد هذا التشبيه غير الصادق بالمره ..فلم اكن اشبه عمر الشريف ولا حتى عمر المختار ...اللهم الا لو اصيب الاول بالتيفود او انفجر فى وجهه صاروخ مضاد للغواصات .لكننى لم انجح فى اخفاء سعادتى بهذا التشبيه مما دعا الزميل الى الابتسام مكملا (( نعم صدق هذا واكثر انت فتى الاحلام المثالى ليس فقط للفتيات الصغيرات بل وللأباء والامهات والعمات والخالات ايضا )) (( ما من بيت مصرى الا وبه بنت او فتاه يفكر الاب والام فى زواجها قبل تفكيرهم فى مأكل الاسره ومشربها )) (( موروثاتنا الثقافيه يا صغيرى تجعل بوصلة الاب والام تشير الى اى عريس يصلح واحيانا لا يصلح لمجرد انه سيبدو امام الناس انه عريس ...يبدأ التفكير فى هذا الامر قبل ان تبلغ الفتاه الحلم ربما وحتى تحصل على عريسها هذا لو حصلت على واحد اصلا )) (0صدقنى ان لقب عانس بالنسبه للمرأه المصريه اسوء من لقب عاهره )) كنت استمع الى شرحه هذا وانا اعيش صدمة جديده فى معلوماتى التى بدا انها قليله للغايه فى الحياه العامه ...ثم وجدت تفكيرى يتجه تلقائيا الى شقيقتى الصغرى المسكينه ...التى - طبقا لما قاله - لن تجد ربع عريس يطلبها للزواج واستنادا الى نظريته فان والدى ووالدتى بالتاكيد عاجزان عن النوم منذ الان من التفكير فى عريسها الذى لم ياتى بعد صحيح ان سلمى لم تتجاوز الثامنه ..ولكن طبقا لما يقوله الزميل العزيز فانها يوما ما ستضعنا فى نفس المأزق .... فأنا لا اتصور ان يأتى رجل عاقل ليطلب سلمى للزواج ...انها لا تكف عن البكاء ليل نهار ..ولا تمل ن تمزيق لعبها وكتبها المدرسيه وطلب الحلوى من الجميع

انتشلت نفسى من مأساه سلمى لاعود الى مأساتى الشخصيه وانا اسأل الزميل العزيز(( وما دورى انا فى هذه الازمه الخانقه ... اقصد كيف سأعالج مشكلة العنوسه التى تتحدث عنها ؟؟)) خرجت ضحكته عاليه مجلجله هذه المره وهو يلوح بيده قائلا (( لا اطمئن انت لن تعالج مشكله العنوسه فى البلد كلها ... هذا يفوق طاقة البشر يا صغيرى انت فقط ستعالج مشكلة العنوسه لدى فتاه مصريه واحده المشكله تكمن فى ..هل ستكون انت من اختار علاج مشكلتها ام انك ستكون من وقع عليه الاختيار لعلاج مشكلتها ... وفى كلا الحالتين فانك ستعالج مشكلتها لتخلق كارثتك ..وهكذا تمضى الحياه

اومال يعنى تفتكر احنا بقينا 70 مليون ازاى يعنى ...؟؟؟؟)) لكننى بادرته بالسؤال .. بس انت متجوز يا باشا ...يعنى انت اخترت انك تعالج مشكلة واحده وتخلق لنفسك كارثه .. وانت عارف ده كويس ...طيب ليه ؟ ))

هز راسه وهو يزفر بحراره وكأنه يأس من اقناعى بشىء (( هوا انا بس يا ابنى اللى كده ... ده انا نوع من الذكور فى المخلوقات الحيه ..خد عندك بقا ذكر العنكبوت وذكر الخنفساء وذكر طائر الحناء وكتير غيرنا كلنا على هذا الحال ..بنكون عارفين المصير بس مافيش فايده ..نصيبك لازم يصيبك يعنى مثلا ...ذكر العنكبوت بيتجوز ليه ؟؟؟ علشان ياخد شقه المتزوجين فى التجمع ...؟؟؟

مجرد ما بيلقح انثاه بتروح قتلاه وماصه دمه وتاخد غشاءه البروتونى عشان تتغذى بيه وانثى طائر الحناء اول ما بتضع البيض بتطرد الذكر من العش يفضل يهيم على وجهه مش لاقى متوى يلمه لحد ما يموت ...ده قدرنا يا ابنى مش اختيارنا

انا مثلا ...تفتكر اتجوزت ليه ؟؟؟؟علشان المرتب اللى ماكانش بيكفينى كله لوحدى بقيت اروح اديه للمدام يوم 20 واخد مصروف البنزين والسجاير بس وابوس ايدى وش وضهر ...والشهاده لله ... احيانا تزود على المصروف قرشين وتقولى روح هاتلك جزمه ولا قميص ... تسمى ده ايه ؟؟؟

لم اشأ ان اخبر الرجل بمسمى ما فعله فى نفسه لكننى كنت منزعجا بشده مما اسمع وقلت له اسفا ..(( دا انت صعبت علييا اوى يا كومندا ))عادت اليه ابتسامته بعد غياب طويل وهو يربت على كتفى قائلا (( ما يصعبش عليك غالى يا بطل ..اصل انت كمان مش هتصعب على حد بالعكس دا انت هتلاقى ميت حمار وحمار يقولولك الف مبروك وهتلاقى ناس فرحانه اوى وناس بتغنى وناس بترقص ومش هتلاقى واحد يترحم عليك )) ضحكت بشده رغما عنى على تشبيهه الساخر وانهيت اللمسات الاخيره على العفريته الزيتى والخوذه واستأذنت منه للحاق بقائد السرب فوجدته ممددا على سريره يحدق فى سقف الاستراحه وعلى وجهه ايات الالم والحزن وكأننى قد قلبت عليه المواجع شعرت بالاسى لاننى المتسبب فيما ال اليه من حزن فقلت له وانا على باب الاستراحه مغادرا (( لا مؤاخذه يا كومندا ... بخصوص موضوع عايزين نفرح بيك ..ابقا ارد اقول ايه )) طوح بيده فى الهواء وهو يعتدل من نومه ويقول ساخرا (( ياعم بلا نيله ابقا قوله روح افرح بعيد عنى ... انت شايفنى اعياد اكتوبر ...!!!! ))

منقول عن مذكرات ضابط ...اخر انضباط

الموضوع ده فعلا منقول من مذكرات صديقي الضابط اللي...اخر انضباط

وملوش اي علاقة بالبوست السابق

النهاردة فرحي يا جدعان

يوم الجمعة 20 مارس 2009

يوم تاريخي في حياتي

هو اليوم اللي كتبت فيه كتابي

وهو اليوم اللي ودعت فيه لقب عازب

لأستقبل العالم بلقب جديد .... بلقب متزوج



يوم الجمعة 20 مارس 2009

خطبت وشبكت وكتبت كتابي علي حبيبة قلبي

بارك الله لي فيها وجعلنا زوجان صالحان ان شاء الله

ببساطه ........... وطنى

رسمنا على القلب وجه الوطن

نخيلا ونيلا وشعبا اصيلا

علا صوت الزميل العزيز بالضحك ..واختلطت الاصوات الخارجه من فمه مع تلك الخارجه من انفه -ياااااااااااااه انت لسه فاكر ؟؟؟؟

كان زميلى العزيز من النوع الذى يؤمن بأن للحوار طرف واحد فقط وان النقاش لا يعنى اكثر من رأيه الشخصى وكان حديثه دائما حافل بذكر مختلف الديانات وذكر كل اباء وكل امهات من نتحدث عنهم ولذا لم اشأ ان اغير له مفاهيم لطالما اجتهد فى ترسيخها

كنا عائدين من الاسكندريه فى الطريق الصحراوى الطويل المظلم كان مرهقا للغايه واصر ان اتولى انا قيادة سيارته التى يعلم الله وحده انها تحتاج لهيئة اركان كامله لقيادتها اشترطت عليه ان يطفىء جهاز التسجيل اذا ارادنى ان اقود بدلا منه ...قبل على مضض المهم اننى اقود هذه السياره بلا صوت ينبعث من جهاز تسجيلها

صديقى لم يكن مصاب بفساد فى اللحميه او فى اللسان فقط بل كان نصيبه الاعظم من الفساد فى الذوق فبعض المطربين الذين انبعثت اصواتهم من هذا الجهاز كانوا يطلبون اشياء غريبه ....اتصور انها فى غايه الوقاحه اضافه الى اننى اعتبر طلباتهم بها الكثير من التجاوز احدهم طلب منى ان اقف وانا اتكلم معه والاخر انهمك فى القسم بأمه على انه لن يتركها وثالثتهم قالت لى صراحة بدون اى مواراه فى الكلام ...طيب ورينى .., يا نن عينى لذا كان من الافضل ان يذهب جهاز التسجيل بما يحيويه الى الجحيم وان استمتع بالهدوء فى المكان على ان ادندن بعض الكلمات بصوت خافت بين الحين والاخر ثم خطر على بالى النشيد الوطنى الشهير ...رسمنا على القلب وجه الوطن

فما كان من الزميل العزيز الا ان افاق من غيبوبته واسمعنى مافيه النصيب مما لا احب ان اسمع وعاد الى سباته مره اخرى وظل النشيد على لسانى لمده طويله رسمنا على القلب وجه الوطن .....لماذا كان الوطن جديرا برسم وجهه على قلوبنا ؟؟؟

ماذا قدم لنا هذا الوطن ...او بمعنى اخر ما الخدمه التى اسداها لنا هذا الوطن ؟؟؟اعرف اننى احب ابى حبا جبريا لا اختيار فيه واننى اطيعه وابره كفرض الهى لا استفسار فيه, احيانا ما احاول تقديم اسباب لا احتاجها او اجابة اسئله ليست ذات اهميه فمثلا اعتبر ان حبى لابى نتيجة حبه المفرط لى وتضحياته الكثيره من اجلى واهتمامه وقلقه عليا وعلى مستقبلى وهذا فى النهايه يؤدى الى اننى يجب ان اطيع هذا الرجل وان اقدم له كل ما يطلبه منى وان افتديه بروحى ان امكننى ..... وهكذات اقدم اجابة منطقيه على الاقل بالنسبة لى ولكننى كنت ابحث عن اجابه اخرى لماذا احب وطنى ؟؟؟؟؟ولماذا كتب رجل هذا النشيد وان كان منافقا ...فمن كان ينافق وهو يكتب هذا النشيد ؟؟؟

هل ينافق الوطن الذى ليس له شكل او كيان مادى ليحمد له هذا التملق ويكافئه عليه ام انه عندما ينافق هذا الوطن سيجازى بالخير من القائمين على امر هذا الوطن ؟؟؟ولكننى عدت واستنكرت هذا الاحتمال لانه ان اراد جزاءا فكان الاحرى به ان يتملق القائمين على امر هذا الوطن نفسهم فيكون الجزاء اكبر وبينما انا غارق فى نظرية المؤامره التى خلقتها لنفسى واستمتعت بالعيش فيها وجدت ان الاجابه ابسط مما اتخيل ان هذا الرجل كتب نشيدا للوطن لانه احب هذا الوطن ما الذى احبه فى هذا الوطن هل احب مصر الموجوده على الخريطه فى شكلها المرسوم ام انه احب الشوارع والحوارى والازقه الضيقه هل احب نيلها وبحريها ام انه احب سماءها وزرقتها ام ارضها وخضرتها ام زبانية عذابها فى السجون .. ام ناهبوا خيراتها , طيف الشيطان ام سيف السلطان مسجدا عبد الله فى ساحته الشريفه ام حرمله رماديه مسح بيده عليها الخليفه لابد ان لهذا الانسان من منطق احب به هذه البلدلابد ان له نهج تفكير هداه الى حب هذه البلد

الانسان لايحب من يهينه او يعذبه او يلقى على يديه الشر او فى حرمه الذل والهوان , رسم الشاعر على قلبه وجه مصر بنخيلها , نيلها وشعبها الاصيل

اما عن نخيلها فنخيل العراق ابسق ونخيل الحجاز اطيب واما عن نيلها فبالعراق نهران وليس نهر واحد وفى المانيا نهر هو اجمل واطيب واما عن شعبها الاصيل فالشوام اطيب منهم والالمان انشط منهم والفرنسيين اظرف منهم فماذا احب هذا الرجل فى وطنه وجعله يتغنى له ؟ربما لم يحب وطنه قدر ما احب نفسه , ربما احب فى بلاده انها بلاده وليست بلاد اخرى سوى بلاده ربما احب الارض التى ينتمى اليها لانه لا يعرف ارضا اخرى ينتمى اليها ربما احب فى نفسه عيوبها قدر ما احب مافيها من مميزات

لاننى وجدت اننى احب ابى على الرغم من انه ليس افضل اب فى الوجود وليس اوسمهم ولا اغناهم ولا اعلاهم قدرا ولا ارفعهم مكانه لكنه ابى مازلت قانعا انه ابى ولذا مازلت احبه لانه ابى ولان الله الذى هو اعلم منى جعله ابا لى وجعله سببا فى وجودى ولست ارى افضل مما كتب الله لى كى احب رجلا اخر اكثر مما احب ابى وادعى اننى رأيت فيه ما استوجب حبى له اكثر من هذا الرجل المدعو ابى

ربما وجد الكثيرين ممن يكرهون هذه البلد ويتمنون لها الخراب ولاهلها الهلاك فأحب ان يكون غيرهم احب ان يختلف عن غيره ممن ليسو اهلا للدار اذا جرد لسانه كاتبا فى سبها ولعنها ...فمن يكتب لها ..وعنها ان الله قد سخر لها من الاعداء ومن الكارهين من هم فى شغل شاغل لها من اعدائها ومن ابنائها الذين جحدوا فضلها فما العائد على من سبها ولعنها وقد تفرغ غيرى لهذا الوظيفه واذا كان فى بلدى من يسرقها من ابنائها ومن ينهبها ومن يشتمها ومن يلعنها فلماذا لا اكون شخصا اخر ؟؟؟

الجمال والقبح لم يكونوا يوما اساسا للحب والكره لذا فاننى رسمت على القلب وجه الوطن لانه ببساطه ........... وطنى

استمتعت بهذا الاستنتاج البدائى الذى وصلت اليه نعم وبدت مشارف القاهره تبدو من بعيد ..... انا احب هذه المدينه الملعونه المزدحمه التى لا تخلو من الناس ابدا ليست باريس ولا فيننا ولا امستردام لكنها بلدى ولذا احبها فأنا عندما انظر الى المرأه اجد شخصا بالتأكيد ليس اكثر من احب النظر اليه لكنه ببساطه انا ولذا يعجبنى شكله كثيرا ووطنى ايضا احبه كثيرا ولا انتظر وساما من اى طبقه بعد هذا التصريح الهام ولا اتوقع مليم زياده فى راتبى المتواضع لكننى ببساطه لا اعرف مكانا اخرا ادعوه وطننا سواه

استطيع ان احب الف مكان فى الارض لكننى لو سئلت عن بلدى فسأجيب اننى انتمى الى هذا البلد ما قيمة ان احب مكانا لا انتمى اليه وان اكره مكانا مهما حاولت هو مكانى وليس لى مكانا غيره ما قيمه ان اعيش فى مكان ما فأنسى مكانا اخر وادعى اننى بدأت من مكانى الجديد ايعنى هذا اننى بلا ذاكره ايعنى هذا مثلا اننى لو مررت فى نفس المكان الاول سأستكشفه كأننى امر به لاول مره ؟اعتقد ان هذا غير صحيح واعتقد اننى ازددت حبا لهذا الوطن لانه ببساطه .............. وطنى

شكلها باظت

انظر حولك

د. خالد عزب

ملحوظة

قراءة هذا الموضوع والتعليق عليه لن تكون ذات جدوي دون قراءة الموضوع السابق بعنوان

لنحرق هذا الوطن

ظهور نتيجة التكليف .... شرم الشيخ مرحبا

ظهرت بالأمس نتيجة تكليف الاطباء دفعة ديسمبر 2007 واللي هيتكلفوا في اول مارس 2009

وانا طبعا منهم

النتيجة تعتبر كارثية لأغلب الناس اللي اعرفهم

تقريبا انا واصحابي غطينا معظم انحاء الجمهورية

انا جالي تكليفي في شرم الشيخ

الحمد لله احسن من ناس تانية كتير علي الاقل انا كنت كاتبها الرغبة الرابعة

وبغض النظر عن اني اشتغلت هناك قبل كده

راجع موضوع يوميات طبيب شاب في شرم الشيخ من هنا

انا مش زعلان بس كمان مش فرحان قوي بشرم الشيخ

صحيح انا اشتغلت هناك وعندي خبره بيها وخلال السنة اللي فاتت (سنة الامتياز) فكرت كذا مرة بل كمان سعيت اني ارجع اشتغل هناك تاني , لكن دلوقتي الوضع اختلف

اولا انا من ساعة ما خلصت امتحانات في نوفمبر 2007 وانا بره البيت

اشتغلت شهرين في الغردقة وشهرين في شرم الشيخ

وبعدين قضيت ستة شهور امتياز في القاهرة

يدوبك ريحت شهر رمضان في البيت (الاسماعيلية) وبعدين بدأت كورس

medical transcription.

في القاهرة تاني لمده اربهة شهور

وبرضه اثناء الكورس قدمت وباستعد وربنا يوفقني وبدعواتكم لأمتحان الملحقيين الدبلوماسيين في وزارة الخارجية

يعني عندي من اول مارس التكليف في شرم الشيخ , والكورس في القاهرة , وامتحان وزارة الخارجية في نص تلاتة

ومكلمني دكتور جاري علشان اشاركه العيادة معاه اشيل نص الاسبوع وهو النص التاني

ده كله غير ان انا زهقت من الغربة والسفر وكنت ناوي اقضي السنة اللي قبل الجيش دي( تكليفي يعني) في مكان قريب من البيت

لكن الحمد لله علي كل شئ

شرم حلوة برضه واحسن من ناس اصحابي كتير

اللي راح بير العبد , ابوذنيمة , الطور , اسوان , رفح , سفاجا , نخل وغيرها كتيييييير

لو انت مش دكتور وعايز تشوف مأساة الدكاتره وتعرف ازاي البلد بتعاقبهم وتعرف ان طريقهم اغبر من قرن الخروب وتحمد ربك انك مش دكتور شوف اللينك ده

شكلها باظت

انظر حولك

د. خالد عزب

نهنئ انفسنا علي خروج ايمن نور

نهنئ انفسنا علي خروج ايمن نور

نهنئ اسرته وعائلته علي عودته مجددا للحياة

ونتمني ان يغفر لنا تقصيرنا معه وجعله وحيدا يتحمل عقاب مطالبتنا بالتغيير

نهنئ انفسنا قبل ان نهنئه علي خروجه

ونتمني عوده قويه لنا ولمصر ان شاء الله

الف حمدالله علي السلامه

لنحرق هذا الوطن

ونظرا لان بلدنا بلد سلبى تجاه ما يحدث لاخواننا فى فلسطين

ونظرا لاننا جميعا بلا استثناء فاسدون مغرضون بيننا من وافق ومن احب ومن قبل ومن عشق الانحلال والفساد والانحطاط ان صح التعبير

ونظرا لاننا فرطنا فى ديننا وفى عروبتنا وفى تاريخنا وفى نضال من سبقونا

ونظرا لاننا تاجرنا بتراث اجدادنا وبعنا ما طالته ايدينا من جدهم وجهدهم

ونظرا لاننا جميعا من الذكور نحاول باستماته ان نهرب من التجنيد فى الجيش لانه ليس اكثر من تضييع وقت ومذله واهانه بغير داعى

ونظرا لانه لا يوجد فينا من يستطيع ان يقدم لنفسه سبب واحد لكى يحب او يحترم هذا الوطن

ونظرا لان رئيسنا كما يؤاه الغالبيه العظمى من الناس رجل فاسد باع وقبض وشرع فى تنصيب ابنه من بعده

ونظرا لان ابنه من وجهة نظر اغلبنا شاب متنمر محاط بالفاسدين الشباب بعد ان شرع فى التخلص من الفاسدين العجائز من رجال ابيه

ونظرا لان شيوخنا فى الازهر يتلقون التعليمات كى يصدروا الفتاوى

ونظرا لان جنودنا فى الجيش وضباطنا تافهون ومستهترون ولا يستطيعون حمل السلاح سوى فى التشريفات والاحتفالات

ونظرا لان مياهنا ملوثه وطعامنا مهجن ومسرطن وهواءنا مسمم ومستقبلنا اسود كقلب الليل وخيبتنا قويه ولا الفيلق الثالث النازى

ونظرا لان رجالنا عاجزون مكرهون ونساءنا غاضبون متذمرون وشبابنا تافه فارغ العقل وبناتنا فى وادى غير الوادى والجميع من الشباب البنات عاطلون مغيبون

ونظرا لاننا فقدنا كرامتنا امام العرب والمسلمين واتهمنا بالاغراض والعماله واصبح الحمار والقواد والعميل واصحاب الشوارب والكروش يتهمنوننا بالعماله ويزايدون علينا ليل نهار

ونظرا لان شوارعنا مزدحمه وكبارينا واقفه عطلانه وانفاقنا تجمعات مياه مجارى وتجارنا جشعون مستغلون وكتابنا منافقون وصوليين
ونظرا لان الجميع او اقل قليلا يتفق معى فيما اقول

فهيا معى يا اخى ويا اختى لكى نفعل شيئا نافعا وبناء على هذا الوضع فاننى اقترح ان نفعل ما هو حرى بنا فعله فى مثل هذه المواقف لنقوم ليل نهار نجتهد فى سب ولعن الجميع وانتقاد كل الناس وكل السياسات وكل الحكام وكل من جلس على الكرسى ومن نام على الحصيره

او لنكن اكثر فاعليه ....لنحرق هذا الوطن

امضاء
شاب خايب

حلم ...... ليلة الاجازة

بعد ان هبط علي شيطان -وليس وحي زي كل الناس- الالهام

اقدم لكم ثاني تجاربي في اللي تقدروا تقولوا عليه قصة قصيرة

واتمني انها تعجبكم

لقرأة القصة الاولي بعنوان ... حتي عم امين .... اضغط هنا

وهنا موقع ايلاف الشهير ينشر قصة حتي عم امين في ركن الشباب

الشمس المحرقه
منتصف النهار تقريبا
ساحة طابور الكليه
الطلبه جميعا .. الاعدادى والمتوسط ..والنهائى
صمت تام مطبق فى ارض الطابور
مساعد الكليه ومساعد كاتب الكليه يتقدمون الطابور
وفجاه
يدوى صوت البوق العالى المسمى بالبروجى فى ارض الطابور
يعتدل قادة السرايا والفصايل
صوت مساعد الكليه

(( السيد قائد لواء الطلبه ...انتباااااه ))

لعنة الله على كل قادة الالويه حتى وان اصبحت يوما واحدا منهم
حضر السيد قائد لواء الطلبه
يقف امام الطابور كالديك الرومى المنفوش
واثق الخطوة يمشى ... عميدا .., نسر ونجوم وجناح
سيصاب هذا الرجل بخلع فى الكتف مما يثقله من احمال
خطاب الجماهير امام الطلبه
(( الالتزام بالمظهر المناسب ... احترام القاوعد والقوانين خارج الاسوار جزء لا يتجزا من انضباط الرجل العسكرى ))
((بدلتك بتدل على كليتك ..ومظهرك قدام الناس بيمثل مظهر المكان اللى بتنتمى له ))
(( شرف الانتماء للكليه الجويه يجب ان يحافظ عليه بالمظهر اللائق يا حضرات ))
((الفرق بينك وبين اى ضابط تانى فى القوات المسلحه ان انت هتموت ...وفيلدك بيلمع ))
والفيلد هو حذاء الطيارين لمن لا يعرف
((الانضباط جزء لا يتجزأ من شخصيتك ومشيتك ومظهرك وكلامك مع الاخرين ))


اه
اذن سيواصل سيادته الهذيان حتى يحصل على فريسته....
يستحيل ان يستعرض السيد قائد لواء الطلبه طابور الاجازات دون ان يصطفى تلات اربع طلبه لقضاء خميس وجمعه بين جدران الكليه ....
من غير المعقول ان ان يكون طلبة الاعدادى والمتوسط والنهائى جميعهم ملاحه وطيران من المنضبطين الملتزمين ؟؟؟؟
انا شخصيا خارج الحسابات
اليوم اتم 21 يوم فى الكليه دون ان ارى الاسفلت
حتى اننى اصبحت احلم فى كل ليله انها ليلة الاجازه
وابنى قصورا من الرمال وحوائطا من الاوهام وانام ودمعتى تسيل على ركبتى من الحزن والشجن
تم حبسى الاسبوع الماضى نتيجة اختلاف وجهات نظر بينى وبين السيد قائد السريه حول احقيتى فى النوم اثناء ساعات المذاكره
حبست ايضا الاسبوع قبل الماضى نتيجة اختلاف وجهات نظر مع السيد قائد الفصيله حول سبب وجود سيجارتين فرط فى دولاب ملابسى
حافظت طوال هذا الاسبوع على الا يكون لدى اى وجهة نظر حيال اى شىء يخصنى او يخص الغير
انا غير موجود تماما
اشعر اننى نسيت شكل الشارع والناس والازدحام والسيارات
كان حلم ليلة الاجازه يطاردنى بشكل مخيف
والنساء
ياااااااااااااه
جنس النساء
ذلك النوع من البشر الذى يتميز عنا ببعض الشكليات والتفاصيل غير الهامه
صدور بارزه ...ارداف ممتلئه .. صوت ناعم واسلوب ناعم وذقن دايما ناعمه ....
دون ان يضطروا الى كحت وجوههن بالامواس كل يوم صباحا
شارعنا ..منزلى الجميل
ابى ... الذى يؤمن اننى هنا الان لكى اصبح رجلا
سامحه الله ...... كانت هناك الف طريقه اخرى لجعلى رجلا غير القائى فى هذا الجحيم
امى .. الحبيبه الحنونه
التى تصر فى كل اجازه على غسل ملابسى كلها ونشرها فى اول صف من الحبال
حتى يعرف الشارع كله ان هذا البيت به طيار
من اجل كل هذا واكثر
..........................
.........
اقف لا فرق بينى وبين عمود الخرسانه المسلح
فى بدلتى الكحليه الفاتنه...بدلة الاجازات كما يسمونها
اقف نموذجا للطالب المنضبط
حليق الرأس ناعم الذقن معتدل القامه مرفوع الهامه لامع الحذاء
لن يصيبنى اى اذى من الباحثين عن المتاعب للطلبه
استمر السيد قائد اللواء فى هذيانه دون ان ينسى الاشاره الى قائمة المحرمات التى لا تنتهى
حينما حطت تلك الذبابه اللعينه على انفى
وانطلقت فى رحلات استكشافيه كأنها ماجلان فى زمانه ما بين عينى اليمنى الى عينى اليسرى الى اذنى الوسطى
وانا اكاد انفجر من الغيظ
اتخذت تلك الملعونه من وجهى مسرحا للعمليات وانطلقت تصول به وتجول وكأنه ...وكأنه ليس له صاحب
ثم بدا انها اصابها الارهاق من الترحال فاستقر بها المقام فوق ارنبة انفى بالضبط
حاولت جاهدا ان احرك رأسى قدر المستطاع بشكل لا يشد انتباه احد من الساده زبانية الكليه لكن هذا لم يفلح فى زحزحتها من مكانها ابدا
كانت على مايبدو قد استقرت وبدأت التفكير فى اختيار شريك الحياه المناسب تحقيق حلم الاسره والاستقرار

جربت ان انفخ بعض الهواء من فمى على طريقة خارجا من شفتى السفلى الى اعلى باتجاه انفى
ولكن ذلك لم يفلح فى تغيير قناعات الذبابه التى اصرت على البقاء مهما حدث
لم يعد هناك سوى ان احرك يدى فى جزء من الفينتو ثانيه لازيحها بأى ثمن دون ان يلحظ احد
وبالفعل انتهزت لحظه دوران فى نهاية الطابور للسيد قائد اللواء ودون ان التفت بالطبع
حركت يدى فى جزء من اعشار الجزء من الفيمتو ثانيه وطارت الذبابه اللعينه
و......................
((الطالب اللى بيهش الدبانه ...... ضم على المحابيس ))
((يا فندم سيا....))
((نفذ يا طالب ))
خرج من انفى صوت اعتراضى سمعه كل من فى سريتى تقريبا
خرجت من تشكيل السريه باتجاه طابور المحابيس
لقد طار حلم الاجازه ... واصبح من الواضح اننى لن ارى الاسفلت قريبا
واذا بى اسمع صوت ضحكه مكتومه سمعها نصف الطابور تقريبا ..ميزت فيها ضحكه السيد الزميل بلانتىوكرد فعل تلقائى علا صوت السيد قائد اللواء قائلا ..
(( بتضحك على ايه يا طالب يا مهزأ... طيب ضم على زميلك فى المحابيس علشان تضحك كويس ))
واتجه السيد قائد اللواء بتجاهى انا وبلانتى ونحن فى مقدمة المحابيس
عندما سمعت بلانتى يهمس فى اذنى (( ما رضيتش اسيبك لوحدك يا عم ... جيت اسليك ))
لم اتمالك نفسى من النفخ وقد انهارت كل احلامى وطموحاتى فى رؤية الاسفلت والكائنات التى تسمى النساء ..
(( يعنى يا.... امك جاى معايا السينما ؟؟))
اقترب السيد قائد لواء الطلبه منا وواقف يتمايل امامى كغصن زيزفون قائلا

(( بتهش الدبان قدام قائد اللوا يا طالب ؟؟؟))
((يا فندم سيادتك والله غصب عنى ......))
قاطعنى قائلا ...(( وكمان غصب عنك ..... والتفت الى بلانتى قائلا ..وانت ياطالب بتضحك اوى ...طيب انا بقا هخليك تندم على اليوم اللى دخلت فيه هنا ))
......... رد لانتى بسرعه وبدون تفكير
(( انا ندمان على اليوم ده من زمان يا فندم ))
اتسعت عينا قائد اللواء لتبتلع نصف وجهه تقريبا
..... ثم صرخ بنا كالملسوع (( انت بتقول ايه يا طالب .....انت ندمان من زمان !!!!!!
طيب دور نفسك مكتب مدير الكليه انت والمهزأ اللى معاك وانا هعرفك يعنى ايه دموع الندم ))
رفعت ساعدى الايمن بأدب وانا اقول (( طيب يا فندم انا لسه ما ندمتش اددور مكتب المدير ليه ؟؟؟))
رفع رأسه باتجاهى وهو يهز راسه كمن يعانى من تسرب ماء فى اذنه
((عشان تندم انت كمان يا ضنايا ..... انصراف يا طالب يا هوزأ منك له ..انصراف ))

وبالخطوه السريعه اتخذت انا وابن ال .... بلانتى طريقنا الى مكتب مدير الكليه وشاءت الاقدار ان نلتقى فى الطريق بالسيد كبير معلمى الكليه ويسألنا عن سر اتجاهنا الى المكتب المخيف فيقص عليه بلانتى القصه
فيتعجب السيد كبير المعلمين بشده ويعلق على القصه بقوله لبلانتى
انت السريه الكام يا ابنى ؟؟؟
صاح بلانتى كأنه يصدر امرا بالهجوم (( التالته يا فندم ))
نظر اليه الرجل نظره فاحصه متأمله ثم قال
ثم سأل بلانتى وهو يدنو برأسمه منه قائلا
(( انت اسمك ايه يا طالب ؟؟؟))
ابتسم الوضيع ابتسامه صفراء ذات مغزى وهو يقول بصوت شبه خافت (( محمد جلال مرزوق يا فندم ))
بادله السيد كبير المعلمين نفس الابتسامه الوضيعه ذات الدلاله الاكثر وضاعه
(( ازاى كده .... دا انت طالب محترم ومنضبط .... اكيد هوا المهزأ اللى معاك ده ..تعالى انت معايا اشوف ايه القصه دى ... ثم التفت الى قائلا
وانت يابنى ..دوور نفسك زنزانه ..))!!!!!!!!!!!!!!!!!!!

وبالخطوه المعتاده
اتجهت من مبنى المكتب المخيف الى عنابر الزنازين
لاقضى فيها ليلتى
التى تحول حلمها الجميل من حلم ليلة الاجازه

الى حلم ............... فى الزنزانه


منقول عن (( مذكرات .... ضابط اخر انضباط))

كلام في الحب ... قصة حب حقيقية وواقعية جدا

اليوم كنت اقرأ جريدة الأخبار- أأسف لكل من تغم عليه نفسه عند سماع اسمها- للأسف , وجدت في الصفحة الأخيرة هذه المقاله الجميله للكاتب سمير عبد القادر عن الحب

وهي تحكي قصة حب حقيقية وواقعية جدا , فيها دروس كتير قوي لمن يتعظ

مأساة فتاة أرستقراطية‮

!‬عرفت عائلة‮ ‬غنية من الطبقة التي يطلق‮ ‬عليها بعض الناس حتي وقتنا هذا ارستقراطية ولهذه العائلة فتاة لا تزال في العقد الثاني من عمرها،‮ ‬نشأت وفي فمها ملعقة من الذهب‮.. ‬تحيا حياة ناعمة ومرفهة،‮ ‬وما كانت تحسب وهي تعيش سنوات عمرها في أحضان النعمة أنها ستطالب في يوم من الأيام بواجبات الحياة الزوجية،‮ ‬بل كانت تؤمن أن الزواج إذا جاء فإن الرجل الذي ستتزوجه سيكون خادما‮ ‬مطيعا‮ ‬لها،‮ ‬لانها لم تعرف كيف تسمع كلام‮ ‬غيرها،‮ ‬وكيف تطيع رأيا حتي ولو كان لاقرب الناس إليها‮!‬وكانت علي جانب عظيم من الجمال،‮ ‬فيها أنوثة ولكنها أنوثة متمردة،‮ ‬وفيها حنان ولكنه حنان اشبه بالقسوة،‮ ‬جاءها الخطاب فوقفت منهم موقفا‮ ‬يدعو إلي الشفقة،‮ ‬فهذا دمه ثقيل،‮ ‬وهذا منخاره كبير،‮ ‬وذاك بدين،‮ ‬وهذا لا يعجبها لانه من النوع الذي يتحكم في الزوجة،‮ ‬وهي تريد رجلا‮ ‬مطيعا‮ ‬يأتمر بأمرها،‮ ‬وظل الخطاب يتوافدون الي أن اختارت واحدا‮ ‬منهم،‮ ‬وقدرت ان هذا الشاب سيكون لها نعم الزوج المطيع الذي لن يرفض أوامرها،‮ ‬وستعيش معه إلهة مرهوبة الجانب‮.‬وتم الزفاف،‮ ‬وانتقلت الآنسة الارستقراطية المصونة الي بيت زوجها،‮ ‬لم يكن الزوج رجلا‮ ‬كما قدرت من النوع الذي يخضع لزوجته،‮ ‬ولكنه كان رجلا‮ ‬يفهم حقه كزوج ويفهم حق امرأته كزوجة،‮ ‬وأن لكل منهما حدوده التي يجب الا يتخطاها،‮ ‬لذلك رفض ان يسمع لها،‮ ‬وأرادت هي أن تطبق نظرياتها ومبادئها في الكبرياء،‮ ‬وبدأت تثور،‮ ‬وزل لسانها ووجهت اليه كلمات جارحة،‮ ‬فوجه اليها أسوأ منها،‮ ‬فبكت،‮ ‬لانها لم تكن تتصور أن مخلوقا‮ ‬في الدنيا يجرؤ علي شتمها،‮ ‬كيف،‮ ‬ومن هذا الزوج الذي رفضت من اجله عشرات افضل منه لا لشئ إلا لأنها اعتقدت أنه سيخضع لها‮.. ‬لماذا انقلب هكذا وكيف تستطيع ان تعيش معه؟ وفكرت في الهرب منه،‮ ‬ولكنها لم تكن تعرف أنها تحبه،‮ ‬كانت تحسب أنها حرة في كل شئ،‮ ‬وبينما كانت تتأهب للعودة إلي بيت أبيها،‮ ‬إذ بها تحس أحساسا‮ ‬عميقا‮ ‬يدفعها إلي البقاء في بيتها‮!‬وانتهي امرها بأن سقطت من عرش كبريائها‮.. ‬عرف زوجها نقطة الضعف فيها‮.. ‬ادرك أنها تحبه،‮ ‬فأخذ يذلها،‮ ‬ويصدر اليها الأوامر لا لسبب إلا ليذل فيها هذا الكبرياء،‮ ‬وينتقم لنفسه من هذا المخلوق المتمرد،‮ ‬والغريب أنها سارت إلي أبعد مما أرادها أن تسير،‮ ‬ومن الغريب أيضا‮ ‬أنها أخذت تشعر بسعادة في الذلة الجديدة،‮ ‬سعادة لم تكن تشعر بها في الكبرياء القديم‮!

‬

هل الحب‮.. ‬مرض؟

‮‬كتب اليٌ‮ ‬قاريء عزيز يقول‮: ‬ظل هذا السؤال موضع تفكيري فترة من الزمن‮.. ‬هل الحب مرض؟‮.. ‬نعم‮.. ‬الحب مرض‮!! ‬هكذا أجبت نفسي بعد أن عكفت علي البحث الدقيق،‮ ‬حتي لا أتهم بالتسرع،‮ ‬ولكي أبرهن علي صدق ما ذهبت اليه أقول‮.. ‬إن الفكرة الأساسية التي هي جوهر الحب،‮ ‬تشبه في تأثيرها تلك الأفكار الثابتة عند تشخيص الكثير من الأمراض العقلية بل تمتاز عليها بأن لها فترة حضانة يكون خلالها الشخص المحب،‮ ‬مثل المريض بأحد الأمراض العقلية،‮ ‬لا يدري ماذا حدث له،‮ ‬ولكنه يشعر بالقلق والكبت وضعف الإرادة،‮ ‬وغالبا ما يحدث له تغير تام في السلوك والمزاج والأخلاق‮!!‬وقد ثبت أن الحب نوع من الأمراض العقلية،‮ ‬التي تطبق عليها وسائل العلاج الخاصة،‮ ‬كما تعالج الهيستريا مثلا‮..‬ومن منا لم يقرأ عن تلك الحوادث المفجعة التي تنشرها الصحف والمجلات عن الانتحار بسبب الحب‮.. ‬ويري بعض الاطباء ان هناك طبائع سريعة التأثر بحمي الحب،‮ ‬كما توجد أجسام بفطرتها قابلة للاصابة بمرض السرطان،‮ ‬كذلك توجد نفوس بطبيعتها قابلة للوقوع في مرض الحب‮..‬واذا سلمنا بأن الحب مرض كان علينا ان نذكر طرق الوقاية منه،‮ ‬وهنا يجب ان نعرف ان الحب ليس مجرد الشعور بالرغبة نحو شخص آخر،‮ ‬لأن الحب الصحيح يجب أن يكون مصحوبا ايضا بشعور من الصداقة والتضحية لهذا الشخص،‮ ‬لذلك يلزم أن يسير الشعور بالصداقة بجانب‮ ‬الاحساس بالرغبة‮!

ولما كانت اكتر كلمات البحث علي جوجل لزوار مدونتي هي كلمة قصص حب أو قصة حب حقيقية , مما يدل علي تلهف الكثيرين -وان كنت معرفش هل ده شئ كويس ولا وحش- لقرأة قصص الحب او معرفة الحقيقي والواقعي منها لعلها تفيده في تجربته

اصحاب الجلالة والفخامة والسمو .... اتفوا

خلص الكلام
مع دخول المجزرة الاسرائلية في غزة اسبوعها الثالث وفي غفلة وتهاون من الأمة (اسف) العربية لا اجد ما اقوله فكل شئ اتقال وعلي جميع المستويات اللي عايز يتظاهر اتظاهر , واللي عايز يشجب شجب , واللي عايز يرسم القيادة وياخد الزعامة اديه حاول واللي عمل وطن(اه كانت ودن زمان , معلش) من طين واخري من عجين اديه عايش ولم يبقي الا الشعب الفلسطيني الاعزل يتلقي الرصاص فوق رأسه علها تكون رصاصة الرحمة التي تنقل متلقيها من هذه الدنيا المقرفة الي حيث لا أذن سمعت ولا عين رأت ولا خطر علي قلب بشر وانا كما قلت لا اجد ما اضيفه أو اكتبه حيث اجد اني عاجز حتي عن النطق وبماذا يفيد بعد ان فقدنا حتي سلاح الشجب واللعن والاستنكار حسبي الله ونعم الوكيل كم انا حزين اني ولدت وعشت في هذه الفترة اسوأ فترات الامة العربية والاسلامية واكثرها ذل ومهانة وانكسار

الحكام العرب .... لا أري لا أسمع لا أتكلم

اصحب الجلالة والفخامة والسمو.... اتفوا

From Isralilain deviles (kids before) to Palastinian angels (kids before)
from Israel with love, with kill, with Israilian terrorism

This is how Israilian children play, and how they express their emotions, how they do think, and what will they be in the future? nothing but terorists.

To kill and destroy Palastinian children

الله مع شهداء غزه , ربنا يلهمهم الصبر ويقويهم علي اللي هما فيه

الحملة القومية لأغراق اسرائيل , من فضلك طرطر علي اسرائيل

مع الاحداث التي تقع في غزة , لا اري شئ مناسب ممكن اكتبه عندي في المدونة فأن العين لتدمع والقلب ليدمي من رؤية هذه الحرب التي يشنها المحتل الصهيوني علي شعب اعزل والذل والمهانة التي يتعرض لها , لكن حتي ده مش هو المشكلة اللي تعباني فالفلسطنين يمكن اتعودوا علي كده, اللي تاعبني اكتر هو الموقف العربي الواصل الي منتهي التخاذل والسلبية ده احنا حتي معندناش حد بشجاعة هوجو تشافيز يقدر يطرد الكلب الصهيوني من بلده , وحتي الموقف العربي كمان مش هو سبب حزني للحقيقة لأننا كمان اتعودنا عليه , ده احنا حتي فقدنا سلاح الشجب والتنديد والصويت والصريخ وكل واحد بقي حاطط في بقي جزمة ولا جزمة منتظر الزيدي شخصيا لكن سبب زعلي وحزني اكتر ان انا , وانت وكلنا برضه مش في ايدينا حاجة نعملها او بالادق, ايضا نتخاذل علي ان اننا نعمل حاجة لمساعدة المقهورين في غزة وده برضه شئ من التهاون والذل اللي احنا فيه ولذلك قررنا نحن الاتي

بيان رقم واحد لسنة 2009

اعادة نشر حملة الطرطرة علي اسرائيل وهي الحملة الهادفة الي اغراق اسرائيل في بحر من البول اه متستعجبش بحر من البول واذا مغرقتهمش الميه تموتهم الريحة وبحسبة بسيطة احنا عندنا حوالي 250 مليون عربي قول لو شارك 100 مليون بس طبعا بعد امتناع حكام العرب واعوانهم عن الترترة اصلهم بيحبوا المحافظة علي البيئة, ولان الشخص الطبيعي بيترتر من لتر الي لتر ونص بول يوميا فلو جمعنا بول كل واحد فينا لمدة يوم واحد فقط هنلاقي عندنا 100 مليون لتر, لكن الكمية هتضاعف بكتير اذا عرفنا ان مريض الفشل الكلوي المزمن بيترتر حوالي تلاتة اربعة لتر ودول يا اكترهم بسبب الادوية المسرطنة والفاسدة اللي حبايبنا بيجبوها من اسرائيل. واذا عرفتوا كمان ان مريض السكر بيترتر برضه حوالي تلاتة اربعه لتر ودول طبعا كتير جدا , يبقي هنلاقي عندنا كمية بول تغرق اسرائيل وابو اسرائيل كمان

يالا نبدأ الحملة مين عنده استعداد للمشاركة والطرطرة علي اسرائيل؟