Friday, April 27, 2007

اليويو

محمد علي ابراهيم رئيس تحرير الجمهورية من الناس الزبالة اللي نطت علي الجمهورية بالبارشوت وخلاها جريدة زبالة, ده طبعا بعد ما كانت جريدة بيئة في عهد سمير رجب
المهم هو راجل جاهل او جهول او الاتنين معا
كل اللي همه انه مرة يروح يسافر مع الرئيس ويطفح في خيمة سعودية وليمة عمره ما فكر يشوفها, فقعد يلط منها لما اتنفخ اصل هو وحسب كلامه كائن حيواني لازم ياكل لحمة كل يوم وكاتب كده دون مراعاة لمعظم المصريين اللي بيشوفها مرة ولا اتنين في الشهر واحتمال اكتر كمان
ومره تانية يكتب عن حريم اسبانيا وازاي انهم حلوين ووراكهم معرفش ايه واجسامهم وصدورهم ايه وشعرهم ايه وبرضة الكلام ده لما راح مع الرئيس اسبانيا بعد ما كان بيروح يصيف في كفر البطيخ , الراجل ريل علي حريم اسبانيا اصله يا حسرتي عمره ما شاف حريم
ده طبعا غير الفقرة الثابتة بالتسبيح والتمجيد للمؤسسة الرئاسية
وشتم ولعن سلسفين ام المعارضة وعلي رأسهم الاخوان
لكن انا اكتر حاجة استفذتني وخلتني اكتب البوست المهبب ده هو الدعاء العجيب اللي كان كاتبه من كام اسبوع بيقول فيه
اللهم اجعلني اذوب في الصالح العام
انا اول لما شفته قعدت ادعك في عنيا ايه الدعاء العجيب ده
لغاية لما فهمت ان الدعاء اصلا بيقول
الهم اجعلني اذوب في المال العام
ففهمت قصده كده
اخيرا انا احب اهدي لمحمد علي ابراهيم قصيدة اليويو لعمنا الكبير احمد فؤاد نجم اللي تنطبق علي
ه




اليويو
يا واد يا يويو

يا مبرراتي

يا جبنه حادقة على فول حراتي

أستك لسانك

فارد ولامم

حسب الابيج

يا مهلباتي

يا واد يا يويو يا مهلبية

فوق الصوانيسايحه وطريه

فى كل جلسه تلبس قضيه

وتخيل عليهايا مشخصاتي

حسب الوظيفة

وأنت وشطارتك

تظهر حلاوتك

تظهر مرارتك

لو خفضوك ترفع حرارتك

لو صعدوكتقلب جيلاني

وبالمناسبةوأنت اللى أدرى

كان لك تحفظ على المبادرة

ليه النهاردة بترش بودره

يا بن الأبالسهيا ملطفات

يوفى النهايةلك عندى كلمة

آخر طريقك زحل وضلمه

حيث ان آخر القرع ضلمه

يا إما كفته

عند العجاتى

ملحوظة
ممتاز القطن واساما سرايا صفرا
كمان منضمين لصاحبنا اياه


د. خالد عزب

16 comments:

SomeOne said...

الله عليك يا نجم
مش ممكن
يويو

ياترى في كام يويو عندنا

reri said...

نجم ده جاااااااااااااااامد
بالنسبه ليك يا داكتره يا زملكاوي... شمتان في الأهلي ... ههههههههه... ماااااااااشي.... بس بجد القصيده جامده موت و الرجاله بتوع الصحف القوميه دول زبااااااااااااله إنت تريح دماغك وتبطل تقرا الجمهوريه والأهرام والأخبار... إيه رأيك

FATMA said...

جامد البوست دا اوي يا دوك

Layla said...

جامدة قوي قصيدة نجم...والبوست كله حلو

كراكيب عادل said...

يويو

كل الناس يويو الايام دي

عمر عاشق القرآن said...

الصحف القومية :: طريقك الى الاستحمار

حائر في دنيا الله said...

أخبارأهرام جمهورية روز اليوسف،، يارب اشوف فيهم حريقة تولع فيهم وتشيلهم من على وجه الأرض

وجميل انت ونجم يا نجم

مع تحياتي

khaled said...

جاااامد يا واد
بس انتا تقرب للشاعر الى انتا متصور معاه ده

david santos said...

Hello, Daktara!
Thanks for you work and have a good week

الدبور said...

ازيك يا بني
عامل ايه
بالمناسبه قصيدة اليويو دي كان كاتبها بيلسن علي عادل حموده الكاتب الامني علي حد تعبيرة
ابقي اظهر خليني اشوفك
تحياتي يا منحرف

Esmeralda said...

ايه الافترا ده؟؟؟ اشمعنى ده لوحده

اكل كليله يا رب

الوردة السوداء said...

حلوة اوى القصيدة

وحلو كلامك انت كمان
بس هنعمل ايه يعنى
البلد كلها كدة

صاحب البوابــة said...

احببت فقط ان اسلم عندما مررت

تحياتي اخي الغالي

Jaqueline Sales said...

Je suis arrivé ici parce que je suis venu en visitant plusieurs blogs Égyptiens, pays qui me fascinent par la magie et les habitudes de leur peuple, alors ont découvert sien. Je suis brésilien, et tu m'a semblé travailler dans le secteur de la santé, est cela ? Bien, je suis thérapeutique professionnel et travail avec des personnes porteuses de cancer, de diabètes, de dépression, de hipertensão artérielle, de lupus et d'arthrite, et aimerait savoir quelque chose sur ma profession au Égypte, ce qui me dit ? J'attends une communication sien. Débitrice!


I arrived here because I came visiting several blogs Egyptian, country that fascinates me for the magic and customs of its people, then I discovered its. I am Brazilian, and you me it seemed to work in the area of the health, is this? Well, I am therapeutic occupational and work with carrying people of cancer, diabetes, depression, arterial hipertensão, lupus and artrite, and would like to know some thing on my profession in Egypt, what it says me? I wait a communication its. Debtor!

حسام مراد said...

يذوووووووب فى الصالح العام يا رب يغرق يا اخى هههههههههه

بوست جامد ياباشا ويويو بتاع نجم جااااااااااامد
وبطل تقراء الجرايد دى يا عم انا بطلطهااا من زماااااااااااااااان

سلا
سلامااااااااااااااااات

daktara said...

تحياتي لكم جميعا
وشكرا علي الاشاده